French Open 2025: अल्काराझ-सिनरने लाल मातीच्या मैदानावर इतिहास घडवला! फ्रेंच ओपन स्पर्धेतील ऐतिहासिक सामन्यात काय घडलं?

कार्लाेस अल्काराझ फ्रेंच ओपन फायनल २०२५ चे जेतेपद पटकावत लाल मातीचा बादशाह ठरला. जागतिक क्रमवारीतील अव्वल क्रमांकाचा टेनिसपटू यानिक सिनर आणि कार्लोस अल्काराझ यांच्यात अंतिम सामना खेळवला गेला. अल्काराझ आणि सिनरमधील हा अंतिम सामना फ्रेंच ओपन स्पर्धेतील एक ऐतिहासिक सामना ठरला. जानिक सिनर वि. कार्लोस अल्काराझ मधील हा अंतिम सामना अक्षरश: साडे पाच तास सुरू होता, जो या स्पर्धेतील सर्वाधिक वेळ चालणारा सामना ठरला. कार्लोस अल्काराझने सुरूवातीचे दोन्ही सेट गमावले होते आणि सिनर या सामन्यात पुढे होता, पण अल्काराझने काही माघार घेतली नाही आणि शेवटपर्यंत सामन्यात तगडी टक्कर दिली. अल्काराझने हा सामना ४-६,६-७ (४-७), ६-४ (७-३), ७-६ (१०-२)अशा फरकाने जिंकला. अखेरच्या टायब्रेकरमध्ये अल्काराझने लागोपाठ ५ पॉईंट्स मिळवत सलग दुसरे ग्रँडस्लॅम आपल्या नावे केले. जगातील नंबर वन खेळाडू इटलीचा यानिक सिनरने एकावेळी जेतेपद जिंकलाच होता पण चौथ्या सेटमध्ये तो तीन चॅम्पियनशिप पॉइंट वाचवू शकला नाही. यासह त्याला उपविजेतेपदावर समाधान मानावे लागले. फ्रेंच ओपनमधील विजयासह कार्लोस अल्काराझने राफेल नदालच्या ग्रँड स्लॅम जेतेपदाच्या संख्येशी बरोबरी केली. अल्काराझच्या करियरमधील पाचवे ग्रँड स्लॅम आहे. राफेल नदालप्रमाणे त्याने पाचवे ग्रँडस्लॅम वय २२ वर्ष, १ महिना आणि ३ दिवस असतानाच जिंकले आहे. अल्काराझने विजयानंतर सिनरने साडे पाच तास दिलेल्या अटीतटीच्या लढतीचं कौतुक केलं आणि तो येत्या नव्या पिढीचा आदर्श असणार आहे, असा उल्लेख केला. अल्काराझने सामना संपेपर्यंत काही हार मानली नाही आणि सिनरला कडवी झुंज देत विजय संपादन केलाच. (वरील सर्व फोटो-@rolandgarros-X)