Asia Cup 2025: आशिया चषकात ‘या’ ७ भारतीय खेळाडूंना पदार्पणाची संधी मिळणार

आशिया चषक २०२५ स्पर्धेसाठी भारतीय संघाची घोषणा करण्यात आली आहे. या संघात ७ खेळाडू असे आहेत, जे पहिल्यांदाच आशिया चषक स्पर्धा खेळण्यासाठी मैदानात उतरणार आहेत. (फोटो- इंडियन एक्सप्रेस) भारताचा स्फोटक सलामीवीर फलंदाज अभिषेक शर्माला पहिल्यांदाच आशिया चषकासाठी भारतीय संघात स्थान देण्यात आलं आहे. तो डावाची सुरूवात करताना दिसेल. (फोटो- इंडियन एक्सप्रेस) मिस्ट्री गोलंदाज म्हणून ओळखल्या जाणाऱ्या वरूण चक्रवर्तीला देखील पहिल्यांदाच आशिया चषकासाठी भारतीय संघात स्थान देण्यात आलं आहे. (फोटो- इंडियन एक्सप्रेस) मधल्या फळीतील विस्फोटक फलंदाज रिंकू सिंगचा देखील या संघात समावेश करण्यात आला आहे. दरम्यान तो कशी कामगिरी करणार हे पाहणं महत्वाचं ठरणार आहे. (फोटो- इंडियन एक्सप्रेस) अष्टपैलू खेळाडू शिवम दुबेला देखील पहिल्यांदाच आशिया चषकासाठी भारतीय संघात स्थान देण्यात आलं आहे. (फोटो- इंडियन एक्सप्रेस) वेगवान गोलंदाज हर्षित राणाचा देखील या संघात समावेश करण्यात आला आहे. हर्षितकडे १ टी-२० आंतरराष्ट्रीय सामना खेळण्याचा अनुभव आहे. (फोटो- एक्स) भारताचा अनुभवी यष्टीरक्षक फलंदाज संजू सॅमसनने देखील यष्टीरक्षक फलंदाज म्हणून या संघात स्थान मिळवलं आहे. (फोटो- इंडियन एक्सप्रेस) यष्टीरक्षक फलंदाज जितेश शर्माला देखील आशिया चषकासाठी भारतीय संघात स्थान देण्यात आलं आहे. त्याला पदार्पणाची संधी दिली जाऊ शकते. (फोटो- इंडियन एक्सप्रेस)