करोनाचा हिमतीने सामना करणाऱ्या भावांचा सन्मान

1/

सोमवारी संपूर्ण देशात रक्षाबंधनाचा सण मोठ्या उत्साहात साजरा केला गेला. पुण्यात यावेळी खास पद्धतीने हा सण साजरा करण्यात आला. (सर्व छायाचित्र – अरुल होरायझन आणि आशिष काळे)

2/

पुण्यात शिवसेनेच्या महिला शाखेने ससून रुग्णालयात काम करणाऱ्या डॉक्टरांना राखी बांधून हा सण साजरा केला.

3/

पुणे शहराला अजुनही करोना विषाणूचा विळखा आहे. या परिस्थितीवर नियंत्रण ठेवण्यासाठी डॉक्टर आणि वैद्यकीय अधिकारी रात्रंदिवस झटत आहेत.

4/

शहराची सेवा करण्यात मग्न असलेल्या या डॉक्टरांना राखी बांधत महिलांनी आपली कृतज्ञतेची भावना व्यक्त केली.

5/

रुग्णांची सेवा करताना आतापर्यंत अनेकदा डॉक्टर आणि वैद्यकीय अधिकाऱ्यांना खडतर परिस्थितीचा सामना करावा लागला आहे. पण तरीही ही मंडळी आपलं कर्तव्य बजावत आहेत.

6/

महिलांनी दिलेल्या या सन्मानामुळे डॉक्टरांचं मनही भरून आलं होतं.

7/

याचसोबत पुण्यात अग्निशमन दलात काम करणाऱ्या कर्मचाऱ्यांनाही स्थानिक नगरसेविका आणि सामाजिक कार्यकर्त्यांकडून राखी बांधण्यात आली.

8/

शहरात कुठेही आग लागली, किंवा पावसाळ्यात रस्त्यावर झाडं पडली की परिस्थिती रुळावर आणण्याचं काम हे कर्मचारी करत असतात.

9/

करोनाच्या काळात या कर्मचाऱ्यांवरही कामचा प्रचंड ताण होता.

10/

शहराच्या सुरक्षेसाठी झटणाऱ्या या कर्मचाऱ्यांचा सन्मान करत महिलांनी रक्षाबंधनाचा सण साजरा केला.