Photos: बाळासाहेब ठाकरेंच्या जयंतीनिमित्त कलाकार चेतन राऊत यांनी तब्बल ५० हजार दिव्यांपासून साकारले पोर्ट्रेट

शिवसेना प्रमुख दिवगंत बाळासाहेब ठाकरे यांच्या जयंतीनिमित्त अनेक शिवसैनिक अभिवादन करतात.अभिवादन करण्यासाठी अनेक ठिकाणी शिबिर तसेच अन्य उपक्रम हाती घेतले जातात.मुंबईतील चेतन राऊत या कलाकाराने अनोख्या पद्धतीने अभिवादन केले आहे.बाळासाहेब ठाकरे यांच्या जयंतीनिमित्त कलाकार चेतन राऊत या कलाकाराने ५०,००० मातीच्या दिव्या पासून शिवसेना प्रमुख बाळासाहेब ठाकरे यांचे पोर्ट्रेट साकारले आहे.बाळासाहेबांचे साकारलेल्या पोर्ट्रेट मध्ये ६ रंगछटा असलेले दिवे वापरले आहेत.या पोर्टेटचे आकारमान ४० फूट लांब व ३० फूट रुंद आहे.हे पोर्ट्रेट पूर्ण बनविण्यासाठी चेतन यांना ९ तासांचा कालावधी लागला.चेतन यांच्या सोबत इतर १५ जणांनी देखील यामध्ये सहकार्य केले.आय. आय. टी पवई येथील हरिश्चंद्र मैदान या ठिकाणी भव्य पोर्टेट साकारलं आहे.ही पोर्टेट चित्र २२ जानेवारी ते २५ जानेवारीला नागरिकांना पाहायला मिळणार आहे.चेतनने त्याच्या कलेवरील प्रेमापोटी एक दोन नव्हे तर तब्बल १४ विश्वविक्रम आपल्या नावावर केले आहेत.(फोटो क्रेडिट - चेतन राऊत)