shivjayanti celebration at lal mahal photos | Shiv Jayanti 2022 : पाहा लाल महालातील शिव जंयती सोहळ्याचे खास फोटो

शिवजयंती महोत्सव समितीच्या वतीने लालमहाल येथे शिवजन्मोत्सव स्वराज्यरथ सोहळ्याचे आयोजन करण्यात आले.जय शिवाजी जय भवानीचा शिवभक्तांनी केलेला मर्दानी जयघोष,पारंपरिक युध्दकलेचा थरार, रणशिंगाची ललकारी पाहायला मिळाली.तर, पारंपरिक पोशाखात महिला, लहान मुले उपस्थित होती.हा सोहळा उत्साहाच्या वातावरणात संपन्न झाला.या सोहळ्याची सुरुवात पारंपरिक पोशाख परिधान केलेल्या महिला भगिनींच्या हस्ते शिवरायांना औक्षण करुन झाली.समितीच्या महिलांनी शिवजन्म पाळणा सादर केला.विश्व शिवकालीन मर्दानी युध्दकला महासंघाचे सदस्य असलेल्या प्राध्यापक राजेश पवार यांच्या शिवसंस्कार युध्दकला संघाने चित्तथरारक शस्त्र कला सादर केली.तर खास महाबळेश्वरवरुन आलेल्या रणशिंग पथकाने रणशिंगाची मानवंदना दिली.‘जय भवानी जय शिवाजी,छत्रपती शिवाजी महाराजांचा विजय असो....’, या घोषणांनी आज लाल महालाचा परिसरात दुमदुमून गेला. (सर्व फोटो - लोकसत्ता)