Photos : पुण्यातील श्रीमंत दगडूशेठ हलवाई गणपतीचे थाटामाटात विसर्जन; अनंत चतुर्दशीच्या दुसऱ्या दिवशीही जल्लोष कायम

करोना महामारीनंतर यावर्षी कोणत्याही निर्बंधांविना धुमधडाक्यात आणि जल्लोषात गणेशोत्सव साजरा झाला. दहा दिवस भक्तीभावे पूजा करून लाडक्या गणारायाला भक्तांनी वाजत-गाजत निरोप दिला. पुण्यातील मानाच्या पाचही गणपतींचे ढोल-ताशाच्या गजरात कृत्रिम तलावात शुक्रवारी(९ सप्टेंबर) विसर्जन करण्यात आले. लाखो भक्तांचे श्रद्धास्थान असलेल्या पुण्यातील श्रीमंत दगडूशेठ हलवाई गणपतीची विसर्जन मिरवणुकीला आज सकाळी सहाच्या आसपास सुरुवात झाली. श्रीमंत दगडूशेठ हलवाई गणपती मिरवणुकीसाठी खास रथ तयार करण्यात आला होता. अनंत चतुर्दशीच्या दुसऱ्या दिवशी श्रीमंत दगडूशेठ हलवाई गणपतीचे विसर्जन करण्यात आले. विशेष म्हणजे आजही पुण्यातील चौकाचौकात गणरायाला निरोप देण्यासाठी गर्दी जमलेली पाहायला मिळाली. दगडूशेठ हलवाई गणपती विसर्जन मिरवणुकीसाठी लाखोंनी जनसागर जमला होता. पुण्यातील अखिल मंडई मंडळातील गणेश मूर्तीचेदेखील आज विसर्जन करण्यात येणार आहे. अखिल मंडई मंडळ गणपतीच्या मिरवणुकीतही भाविकांकडून मोरयाचा जयघोष केला जात होता. (सर्व फोटो : अरुल होरायझोन, इंडियन एक्सप्रेस) (हेही पाहा : विसर्जनाच्या दुसऱ्या दिवशी अमित ठाकरे दादर चौपाटीवर; वाळूत रुतलेल्या गणेश मूर्तींचे अवशेष उचलून स्वच्छ केला समुद्रकिनारा )