नवज्योतसिंग सिद्धू यांच्या मुलाच्या लग्नाचे फोटो समोर, जाणून घ्या कोण आहे त्यांची सून

माजी क्रिकेटपटू आणि काँग्रेस नेते नवज्योतसिंग सिद्धू यांचा मुलगा करण सिद्धू विवाहबंधनात अडकला. करण सिद्धूने गुरुवारी ७ डिसेंबर रोजी इनायत रंधावासोबत सप्तपदी घेतली. यानंतर पटियाला येथे करण सिद्धू आणि इनायत रंधावा यांचे रिसेप्शन आयोजन करण्यात आले होते. या कार्यक्रमाला अनेक राजकीय, सिनेसृष्टी आणि क्रिकेट जगतातील व्यक्तींनी हजेरी लावली. नवज्योतसिंग सिद्धू यांनी या कार्यक्रमाचे काही फोटो शेअर केले होते. यात नवज्योत सिंग सिद्धू, करण सिद्धू आणि नववधू इनायत रंधावा दिसत आहे. करण सिद्धूची पत्नी इनायत रंधावा ही पटियाला येथील रहिवासी आहे. पटियाला येथील बडी आसामी अशी ओळख असलेल्या मनिंदर रंधावा यांची ती मुलगी आहे. लष्करात सेवा बजावलेले मनिंदर रंधावा हे सध्या पंजाब संरक्षण सेवा कल्याण विभागात उपसंचालक पदावर कार्यरत आहेत. तर करण सिद्धू हा पेशाने वकील आहे. त्याने एमिटी विद्यापीठातून एलएलबीचे शिक्षण पूर्ण केले आहे.