Photos: ‘शेषात्मज गणेश जयंती’निमित्त श्रीमंत दगडूशेठ हलवाई गणपतीला डाळिंबाच्या सजावटीने महानैवेद्य

Shreemant Dagadusheth Halwai Ganapati Pune : श्रीमंत दगडूशेठ हलवाई सार्वजनिक गणपतीला आज (१० जून) डाळिंबाच्या सजावटीने महानैवेद्य दाखविण्यात आला. ज्येष्ठ शुद्ध चतुर्थीला गणरायचा पाताळातील अवतार असलेला शेषात्मज गणेश जयंती उत्सव साजरा करण्यात आला. यानिमित्ताने मंदिरात फुलांच्या शेषनागाची आकर्षक सजावट करण्यात आली होती. मंदिरात पहाटे तीन वाजता ब्रह्मणस्पती सूक्त अभिषेक झाला. त्यानंतर राहुल एकबोटे यांनी गायनसेवा रूजू केली. गणेशयाग, सहस्त्रावर्तने आणि गणेश जागर हे धार्मिक कार्यक्रम झाले. गाणपत्य संप्रदायात भाद्रपद आणि माघ मासाप्रमाणेच ज्येष्ठ चतुर्थीचा श्री शेषात्मज जन्मोत्सव महत्त्वपूर्ण मानला गेला आहे. 'शेषात्मज गणेश जयंती'निमित्त श्रीमंत दगडूशेठ हलवाई गणपती मंदिरात विविध कार्क्रमांचे आयोजन करण्यात येणार आहे. (सर्व फोटो सौजन्य : विद्याधर कुलकर्णी आणि श्रीमंत दगडूशेठ हलवाई गणपती फेसबुक पेज)