मुंबईकरांसाठी खुशखबर! ‘मेट्रो ३’ लवकरच सेवेत, यशस्वी चाचणीनंतर घडामोडींना वेग, पाहा Photos

तुम्ही जर मुंबईकर असाल तर ही तुमच्यासाठी आनंदाची बातमी आहे. मुंबई मेट्रो ३ आता लवकरच तुमच्या सेवेत दाखल होणार आहे. यासंबधीची सर्व तयारी आता पूर्ण झालेली असून प्रशासन पुढील प्रक्रिया राबवण्यास सज्ज झाले आहे. दरम्यान, मुंबईतील मेट्रो ३ मध्ये आरे- बीकेसीमधील साडेबारा किलोमीटरची मार्गिका आता फेऱ्या घेण्यासाठी तयार आहे. आरे- बीकेसी दरम्यान चालवल्या जाणाऱ्या या मेट्रो ३ च्या पहिल्या टप्प्याचे लवकरच उद्घाटन होणार आहे. या उद्घाटनासाठी पंतप्रधान नरेंद्र मोदी पुन्हा एकदा मुंबईत येणार असल्याची चर्चा आहे. दरम्यान, आरे- बीकेसी या मार्गिकेवर दररोज ९६ फेऱ्या चालवल्या जाणार आहेत. ‘मुंबई मेट्रो ३’ ची काल मंगळवारी (२४ सप्टेंबर) चाचणीही पार पडली आहे. या मेट्रोमुळे आरे ते बीकेसीदरम्यान प्रवास करणाऱ्या प्रवाशांची रोजच्या ट्रॅफिकच्या समस्येतून सुटका होणार आहे. (सर्व फोटो साभार- MMRCL Website & X Handle)