Pune Helicopter Crash : बराच वेळ आकाशात घिरट्या घातल्या अन्…; हेलिकॉप्टर कोसळण्याआधी नेमकं काय घडलं? पाहा फोटो!

पुण्यातील बावधनमध्ये आज (२ ऑक्टोबर) सकाळी ६.४५ च्या सुमारास हेलिकॉप्टर कोसळल्याची घटना समोर आली आहे. हेलिकॉप्टर कोसळल्याच्या घटनेत तीन जणांचा मृत्यू झाल्याची माहिती हिंजवडी पोलिसांनी या घटनेनंतर दिली आहे. हेलिकॉप्टर कोसळल्याच्या घटनेची माहिती मिळताच हिंजवडी पोलीस घटनास्थळी दाखल झाले असून पुढील तपास सुरू आहे. हेलिकॉप्टर क्रॅश होण्याच्या आधी बराच वेळ आकाशात घिरट्या घेत होतं. मात्र, त्यानंतर ते क्रॅश झालं आणि त्यामध्ये तिघांचा मृत्यू झाला. क्रॅश झालेलं हेलिकॉप्टर हे पु्ण्यावरून मुंबईतील जुहूच्या दिशेने जाण्यासाठी ऑक्सफर्ड गोल्फ क्लब हेलिपॅडवरून हेलिकॉप्टरने उड्डाण केलं होतं. हेलिकॉप्टर केसळल्याच्या या घटनेची आता डीजीसीए चौकशी करणार असल्याची माहिती पोलीस उपायुक्तांनी दिली आहे. समोर आलेल्या वृत्तानुसार, दाट धुक्यामुळे हेलिकॉप्टरच्या उड्डाणावेळी काही अडचणी आल्या असाव्यात असा अंदाज व्यक्त केला जात आहे हेलिकॉप्टर केसळल्याच्या घटनेनंतर हिंजवडी पोलिसांनी अग्निशमन दलाच्या पथकासह घटनास्थळी दाखल झाले होते. हे हेलिकॉप्टर पुण्यातील बावधनमधील डोंगळाळ भागात सकाळी सकाळी ६.४५ च्या सुमारास कोसळले आहे. पोलिसांच्या माहितीनुसार या अपघातामध्ये गिरीशकुमार पिल्लई, प्रितमचंद भरद्वाज व परमजीत या तिघांचा मृत्यू झाला आहे. (फोटो सोर्स-सर्व फोटो RNO)