Photos: स्पीडबोटच्या धडकेनंतर बुडाली ‘नीलकमल’ बोट, समुद्रातील धक्कादायक फोटो आले समोर

मुंबईतील एलिफंटा बेटाकडे जाणारी प्रवासी बोट बुधवारी दुपारी (१८ डिसेंबरला) स्पीडबोटीला धडकल्याने उलटली. (एक्स्प्रेस फोटो) या फोटोंमध्ये सहा ते सात प्रवाशांसह एक छोटी बोट पाण्यातून जात असल्याचं दिसत आहे. हाय-स्पीड बोट नंतर यू-टर्न घेते आणि या बोटला जोरदार धडक देते. (एक्स्प्रेस फोटो) इंडियन नेव्हीच्या स्पीड बोटीचा ताबा सुटल्याने हा अपघात झाला. (पीटीआय फोटो) या घटनेत १३ जणांचा मृत्यू झाल्याची पुष्टी झाली आहे. तर इतर प्रवाशांना वाचवण्यात यश आले आहे. ही घटना दुपारी चारच्या सुमारास घडली. रोज दुपारी ३ वाजता एलिफंटा गुहांसाठी निघणाऱ्या या फेरीत ८० प्रवासी होते. नीलकमल असे या बोटीचे नाव आहे. नौदल, जेएनपीटी, तटरक्षक दल, यलो गेट पोलीस आणि स्थानिक मासेमारी नौका यांच्या मदतीने बचावकार्य सुरू असून, घटनास्थळी तीन पथके तैनात आहेत. (एक्स्प्रेस फोटो) बचावलेल्या लोकांना तातडीने रुग्णालयात दाखल करण्यात आले. सुटका करण्यात आलेल्या प्रवाशांची पहिली तुकडी गेटवे ऑफ इंडिया येथे संध्याकाळी ५.४५ च्या सुमारास पोहोचली. (एक्स्प्रेस फोटो) या घटनेतील मृतांच्या कुटुंबियांना प्रत्येकी पाच लाखांची मदत महाराष्ट्राचे मुख्यमंत्री देवेंद्र फडणवीस यांनी जाहीर केली. (एक्स्प्रेस फोटो) या घटनेनंतर गेटवे ऑफ इंडियाच्या बाहेर लोक मोठ्या संख्येने जमले. (एक्स्प्रेस फोटो)