MNS Mira Road Protest: ‘पोलिसांची दादागिरी चालणार नाही..’; मीरा भाईंदरच्या मराठी भाषिक आंदोलनात प्रताप सरनाईक

Maharashtra Navnirman Sena Protest Rally: मराठी भाषिक आंदोलकांना पोलिसांनी ताब्यात घेण्यास सुरुवात केल्यानंतर परिसरात तणावाचे वातावरण निर्माण झाले. या पार्श्वभूमीवर मनसे (MNS) व मराठी एकीकरण समिती व अन्य संघटना यांच्या मार्फत मंगळवारी (०८ जुलै) सकाळी दहा वाजल्या पासून मिरा भाईंदर (Mira Bhayandar) शहरात मोर्चा काढण्यात आला आहे. घटनास्थळी उपस्थित असलेल्या हिंदी भाषिक दुकानदारांनी आपली दुकाने बंद केल्याचे दिसून आले. परिवहन मंत्री प्रताप सरनाईक (Pratap Sarnaik) म्हणाले 'काही कार्यकर्त्यांना आज तडीपारीच्या नोटिसा दिल्या.' 'मी मुख्यमंत्री देवेंद्र फडणवीसांकडे (CM Devendra Fadnavis) मीरा भाईंदरचे डीसीपी प्रकाश गायकवाड यांच्याविरोधात तक्रार केली.' 'कालपासून पोलिसांनी केलेली कारवाई योग्य नाही. मराठी भाषिकांनी शांततापूर्ण मार्गाने मोर्चा काढण्यासाठी परवानगी मागितली असेल, तर ती त्यांना द्यायला हवी.' 'पोलिसांची दादागिरी चालणार नाही. मी त्याचा निषेध व्यक्त करतो.' 'आता मी स्वत: त्या मोर्चात सहभागी होण्यासाठी निघालो आहे. पोलिसांची हिंमत असेल, तर त्यांनी मला अटक करून दाखवावी' असे ते म्हणाले. प्रताप सरनाईक आले तेव्हा मराठी भाषिक आंदोल करण्याऱ्यांनी 'सरनाईक गो बॅक' आणि 'जय गुजरात'च्या घोषणा दिल्या. या सर्व घोषणांनंतर प्रताप सरनाईक यांनी मोर्चातून काढता पाय घेतला आहे. (फोटो - आकाश पाटील, इंडियन एक्सप्रेस)