नवनीत राणा : मनोरंजन ते राजकारण… बोल्ड अभिनेत्री ते रोखठोक भूमिका मांडणाऱ्या नेत्या; वडील होते लष्करी अधिकारी तर आई…

महाराष्ट्रामधील अमरावतीच्या खासदार नवनीत राणा आणि त्यांचे पत्नी रावी राणा सध्या चांगलेच चर्चेत आहेत. मशिदींवरील भोंगे आणि हनुमान चालिसा प्रकरणामध्ये त्यांना १४ दिवसांची न्यायालयीन कोठडी सुनावण्यात आलीय. शनिवारी नवनीत राणा आणि त्यांच्या पतीने मुख्यमंत्री उद्धव ठाकरेंच्या घरासमोर हनुमान चालिसा पठण करण्याचं आव्हान दिल्यानंतर मुंबईमधील वातावरण चांगलेच तापले होते. या प्रकरणात राणा दांपत्याला अटक करुन त्यांच्याविरोधात देशद्रोहाचा खटला दाखल करण्यात आलाय. शिवसेना विरुद्ध राणा दांपत्य असा संघर्ष संपूर्ण देशामधील प्रसारमाध्यमांमध्ये चर्चेचा विषय ठरला. शिवसैनिकांनी खारमधील राणा दांपत्याच्या घराखाली गोळा होऊन घोषणाबाजीही केली. सध्या राणा दांपत्य तुरुंगामध्ये असून त्यांना न्यायालयानेही फटकारले आहे. याच राणा दांपत्यापैकी नवनीत राणा यांच्याबद्दलच्या काही खास गोष्टी या गॅलरीमधून जाणून घेऊयात राजकारणामध्ये येण्याआधी नवनीत कौर या तेलगू चित्रपटांमध्ये काम करायच्या. नवनीत यांनी तमिळ आणि तेलगू अशा एकूण २० हून अधिक चित्रपटांमध्ये काम केलंय. नवनीत या मूळच्या पंजाबच्या आहेत. मनोरंजन सृष्टीमध्ये त्यांचा कोणीच गॉड फादर नव्हता. त्यांनी आधी एक अभिनेत्री म्हणून दाक्षिणात्य चित्रपटांमध्ये स्वत:ची ओळख स्वत: निर्माण केली आणि नंतर त्या राजकारणामध्ये आल्या. चेतना : द एक्सपिरिमेंट या चित्रपटामधून नवनीत यांनी हिंदी चित्रपटसृष्टीमध्ये पदार्पण केलं होतं. बोल्ड इमेज असणाऱ्या अभिनेत्रींमध्ये नवनीत राणा कौर यांचं नाव घेतलं जायचं. २०११ मध्ये सामूहिक विवाह कार्यक्रमात त्यांनी राजकारणी असणाऱ्या रवी राणासोबत लग्न केले. योग शिबिरात जात असताना त्यांची भेट राजकारणी रवी राणा यांच्याशी झाली. रवी राणासोबत लग्न केल्यानंतर त्यांनी पूर्णपणे राजकारणात प्रवेश केला २०१४ साली मनोरंजन क्षेत्रातून बाहेर पडल्यानंतर त्या कायमच सार्वजनिक जीवनामध्ये पारंपरिक भारतीय पेहरावत दिसून येतात. नवनीत या फिट राहण्याला फार महत्व देतात. त्या नित्यनियमाने योगाचा सराव करतात. पहिल्यांदा आई झाल्यानंतर आणि अभिनय क्षेत्रामधून बाहेर पडल्यानंतरही नवनीत यांनी आपल्या फिटनेसकडे विशेष लक्ष दिलं. २०१४ च्या लोकसभा निवडणुकीत त्यांनी राष्ट्रवादी काँग्रेसच्या उमेदवारीवर निवडणूक लढवली. त्यावेळी त्या शिवसेनेचे आनंदराव अडसूळ यांच्या विरोधात पराभूत झाल्या होत्या. याच निवडणुकीपासून त्यांचे शिवसेनेसोबतचे वैर सुरू झाले. यानंतर २०१९ च्या लोकसभा निवडणुकीत त्यांनी अपक्ष उमेदवार म्हणून फॉर्म भरला आणि विजय मिळवून सर्वांना आश्चर्याचा धक्का दिला. नवनीत राणा यांचा विजय हा काँग्रेस आणि राष्ट्रवादीच्या वरिष्ठ नेत्यांसाठी मोठा धक्का होता. नवनीत यांचे वडील लष्करी अधिकारी होते नवनीत यांची आई गृहिणी होती. एकेकाळी नवनीत या अभिनेत्री म्हणून मोठ्या पडद्यावर झळकायच्या आता त्या संसदेमध्ये तितक्याच उत्तम पद्धतीने आपल्या मतदारसंघामधील प्रश्न मांडताना दिसतात.