Photos : मिसेस मुख्यमंत्री आणि मिसेस उपमुख्यमंत्र्यांबद्दलच्या खास गोष्टी; जाणून घ्या त्यांची एकूण संपत्ती, नोकरी आणि आवडींबद्दल

महाराष्ट्रात गेले अनेक दिवस सुरु असलेल्या राजकीय नाट्यानंतर अखेर काल एकनाथ शिंदेंनी मुख्यमंत्री आणि देवेंद्र फडणवीसांनी उपमुख्यमंत्रीपदाची शपथ घेतली. नवनिर्वाचित मुख्यमंत्री आणि उपमुख्यमंत्री यांच्या पत्नींबद्दल जाणून घेऊया. राज्याचे उपमुख्यमंत्री आणि माजी मुख्यमंत्री राहिलेले देवेंद्र फडणवीस यांच्या पत्नीचे नाव अमृता फडणवीस असे आहे. २००५ साली ते विवाहबंधनात अडकले. त्यांचा प्रेमविवाह झाला आहे. त्यांना दिवीजा नावाची मुलगी आहे. अमृता या बॅंक कर्मचारी आहेत. त्यासोबतच त्या गायिकादेखील आहेत. ‘शिव तांडव स्त्रोत’, ‘बेटिया’, ‘ये नयन डरे डरे’ अशी अनेक अल्बमची गाणी त्यांनी गायली आहेत. अमृता सोशल मीडियावरही प्रचंड सक्रीय असतात. आपली मते त्या अनेकदा ठामपणे मांडताना दिसतात. देवेंद्र फडणवीसांची एकूण संपत्ती जवळपास नऊ कोटी इतकी आहे. तर त्यांच्या पत्नी अमृता यांच्या नावावर चार कोटींची मालमत्ता आहे. रिक्षाचालक ते मुख्यमंत्री असा प्रवास करणाऱ्या एकनाथ शिंदे यांच्या पत्नीचं नाव लता शिंदे असं आहे. आर्थिक परिस्थितीमुळे एकनाथ शिंदेंना हातभार लावण्यासाठी त्या छोटा व्यवसाय करायच्या अशी माहिती आहे. मुख्यमंत्री एकनाथ शिंदेंचा मुलगा श्रीकांत शिंदे पेशाने डॉक्टर आहेत. कल्याण मतदारसंघातून ते खासदार म्हणून निवडूण आले आहेत. एकनाथ शिंदेंकडे एकूण ११ कोटींची मालमत्ता आहे. त्यापैकी पत्नीच्या नावावर सुमारे ६.५ कोटींची संपत्ती आहे. (सर्व फोटो : देवेंद्र फडणवीस, एकनाथ शिंदे/ इन्स्टाग्राम) (हेही पाहा : Maharashtra New CM Eknath Shinde: मुख्यमंत्री एकनाथ शिंदेंच्या कुटुंबीयांबद्दल काही खास गोष्टी जाणून घ्या)