Powered by
  • English
  • தமிழ்
  • বাংলা
  • മലയാളം
  • ગુજરાતી
  • हिंदी
  • मराठी
  • Business
  • बिज़नेस

Loksatta

Newsletters
  • Whatsapp
  • Facebook
  • Youtube
  • Twitter
Google News Follow
सबस्क्राईब करा
  • होम
  • ईपेपर
  • महाराष्ट्र
  • शहर
  • देश-विदेश
  • क्रीडा
  • सत्ताकारण
  • विश्लेषण
  • हेल्थ
  • अर्थभान
  • करिअर
  • राशिभविष्य
  • मनोरंजन
  • ट्रेंडिंग
  • विचारमंच
  • चतुरा
  • फोटो
  • ट्रेंडिंग
  • Subscribe at Rs 499
  • गणेश उत्सव २०२५
  • लोकसत्ता प्रीमियम
  • मनोज जरांगे पाटील
  • Sudoku
  • आजचा जोक
  • Stock Market

  1. Marathi News
  2. Photos
  3. trending gallery
  4. disputed ias officer radheshyam mopalwar likely to be advisor of cm eknath shinde scsg

Photos: एक कोटींच्या भ्रष्टाचार प्रकरणातील वादग्रस्त अधिकारी होणार CM शिंदेंचा सल्लागार? सेवानिवृत्तीनंतर ७ वेळा मिळाली मुदतवाढ

शिंदे यांच्या शिफारशीवरूनच देवेंद्र फडणवीस आणि उद्धव ठाकरे सरकारमध्ये त्यांना एक महत्वाचं खातं देण्यात आलेलं

Updated: July 21, 2022 19:30 IST
Follow Us
  • Disputed IAS officer radheshyam mopalwar likely to be advisor of CM Eknath Shinde
    1/21

    राज्यामध्ये नव्यानेच सत्तेत आलेल्या शिंदे सरकारकडून एक मोठा निर्णय घेतला जाण्याची शक्यता व्यक्त केली जातेय.

  • 2/21

    वादग्रस्त सनदी अधिकारी राधेश्याम मोपलवार यांची मुख्यमंत्री कार्यालयात नियुक्ती होणार असल्याची चर्चा मंत्रालयाच्या वर्तुळात रंगली आहे.

  • 3/21

    आर्थिक व्यवहारांवरून वादग्रस्त ठरलेल्या या अधिकाऱ्याला मुख्यमंत्र्यांनी आपल्या कार्यालयात सल्लागार म्हणून घेणे कितपत योग्य, असा प्रश्न उपस्थित करण्यात येत आहे.

  • 4/21

    सेवानिवृत्तीनंतर अधिकाऱ्यांना शासकीय सेवेत महत्त्वाच्या पदावर नियुक्त करू नये, असे संकेत आहेत.

  • 5/21

    पण, सारे संकेत धुडकावून गेली चार वर्षे मोपलवार यांना सरकारी सेवेत नेमण्यात आले.

  • 6/21

    मुंबई-नागपूर समृद्धी महामार्ग पूर्ण करण्यासाठी मोपलवार यांना महाराष्ट्र राज्य रस्ते विकास मंडळात आतापर्यंत सात वेळा मुदतवाढ देण्यात आली.

  • 7/21

    इतकी मुदतवाढ देऊनही समृद्धी महामार्ग अद्याप सुरू होऊ शकलेला नाही.

  • 8/21

    देवेंद्र फडणवीस आणि उद्धव ठाकरे सरकारमध्ये रस्ते विकास महामंडळ हे खाते एकनाथ शिंदे यांच्याकडे होते.

  • 9/21

    शिंदे यांच्या शिफारशीवरूनच मोपलवार यांना पदावर कायम ठेवण्यात आल्याचे बोलले जाते.

  • 10/21

    शिंदे हे आता मुख्यमंत्री असल्याने मोपलवार यांच्याकडे पुन्हा मोठी जबाबदारी सोपवण्यात येणार असल्याची चर्चा आहे.

  • 11/21

    शिंदे हे आता मुख्यमंत्री असल्याने ते सल्लागार म्हणून मोपलवार यांची नियुक्ती करणार असल्याचे सांगण्यात येते.

  • 12/21

    शिंदे हे सल्लागार म्हणून मोपलवार यांची नियुक्ती करणार असल्याचे सांगण्यात येते.

  • 13/21

    मुख्यमंत्री कार्यालयात पायाभूत सुविधा सल्लागार या पदावर मोपलवार यांची नियुक्ती केली जाणार असल्याची चर्चा आहे.

  • 14/21

    सतीश मांगले या व्यक्तीने मोपलवार यांनी एक कोटींची मागणी केल्याचा आरोप केला होता. त्यासंदर्भातील ध्वनिफीत तेव्हा प्रसिद्ध झाली होती.

  • 15/21

    अशा या अधिकाऱ्याला पाठिशी घातले जात असल्याबद्दल काँग्रेस आणि राष्ट्रवादीच्या आमदारांनी विधानसभेत गोंधळ घातला होता.

  • 16/21

    या गोंधळात विधानसभेचे एक दिवसाचे कामकाज वाया गेले होते.

  • 17/21

    विरोधकांच्या आरोपानंतर तत्कालीन मुख्यमंत्री देवेंद्र फडणवीस यांनी मोपलवार यांना सक्तीच्या रजेवर पाठविले होते.

  • 18/21

    पण, काही काळाने मोपलवार हे सेवेत परतले होते.

  • 19/21

    २०१८ मध्ये सेवानिवृत्त झाल्यावर त्यांच्याकडे राज्य रस्ते विकास मंडळाचे व्यवस्थापकीय संचालकपद कायम ठेवण्यात आले. हे खाते एकनाथ शिंदेंकडेच होते.

  • 20/21

    अशी वादग्रस्त पार्श्वभूमी असलेल्या अधिकाऱ्याची मुख्यमंत्री कार्यालयात सल्लागार म्हणून नेमणूक करणे कितपत योग्य आहे, असा सवाल त्यातून केला जात आहे.

  • 21/21

    भ्रष्टाचाराबाबतच्या वादग्रस्त ध्वनिफीत प्रकरणातून २०१७ साली चौकशी समितीने क्लिनचीट दिली. सध्याच्या नियुक्तीसंदर्भातील चर्चांवर मोपलवार यांनी काहीही प्रतक्रिया व्यक्त करण्यास नकार दिला.

TOPICS
एकनाथ शिंदेEknath Shindeदेवेंद्र फडणवीसDevendra Fadnavis

Web Title: Disputed ias officer radheshyam mopalwar likely to be advisor of cm eknath shinde scsg

Terms & Condition Privacy Policy Contact Us
Copyright © 2025 The Indian Express [P] ltd. All Rights Reserved.