Photos : ८४ कोटींची मालमत्ता असलेल्या देशातील सर्वात श्रीमंत महिला रोशनी नाडर मल्होत्रा यांच्याबद्दल जाणून घ्या

कोटक प्रायव्हेट बँकिंग आणि हुरुन यांच्याकडून देशातील सर्वात श्रीमंत महिलांची यादी प्रकाशित करण्यात आली आहे. भारतात जन्मलेल्या किंवा वाढलेल्या आणि सक्रियपणे व्यवसाय क्षेत्रात कामगिरी बजावणाऱ्या १०० धनाढ्य महिलांचा या यादीत समावेश आहे. रोशनी नाडर मल्होत्रा या भारतातील सर्वात श्रीमंत महिला ठरल्या आहेत. त्या ‘एचसीएल टेक्नॉलॉजीज’च्या अध्यक्षा आहेत. २०२१ मध्ये त्यांच्या संपत्तीत तब्बल ५४ टक्क्यांनी वाढ होऊन ती ८४,३३० कोटी रुपयांवर गेली आहे. सलग दुसऱ्या वर्षी त्या भारतातील सर्वात श्रीमंत महिला ठरल्या आहेत. रोशनी नाडर या ४० वर्षांच्या असून मुळच्या दिल्लीच्या आहेत. त्यांनी परदेशातून व्यवसाय क्षेत्रातील पदव्युत्तर शिक्षण घेतले आहे. २००९ साली त्यांनी शिखर मल्होत्रा यांच्यासोबत लग्नगाठ बांधली. त्यांना अरमान आणि जहान ही दोन मुले आहेत. वन्यजीव आणि त्यांच्या संरक्षणासाठी नाडर यांनी २०१८ साली ‘हॅबिटेट ट्रस्ट’ ही संस्था सुरु केली. त्या ‘शिव नाडर फाऊंडेशन’च्या ट्रस्टी म्हणूनही काम पाहतात. २०१७ ते १९ दरम्यान फोर्ब्सने जाहीर केलेल्या ‘जगातील सर्वाधिक शक्तिशाली महिला’च्या यादीत त्यांचा समावेश होता. (सर्व फोटो : रोशनी नाडर मल्होत्रा/ फेसबुक) (हेही पाहा : ‘हे’ आहेत जगातील १० सर्वाधित श्रीमंत व्यक्ती; भारतात अनिल अंबनी की गौतम अडानी कोण आहे अधिक धनवान)