Photos: चर्चेतला वाघ – बछड्यांसाठी ढाण्या वाघाशी दोन हात करणारी जुनाबाई

ताडोबा-अंधारी व्याघ्रप्रकल्पाच्या बफर क्षेत्रातील मदनापूरची जुनाबाई आठ वर्षाची. चिमूर तालुक्यातील मदनापूर बफर क्षेत्रात ती जुनाबाई मंदिराच्या जवळ पर्यटकांना सर्वात पहिल्यांदा दिसून आली. त्यानंतर तिला जुनाबाई म्हणूनच ओळखले जाऊ लागले आणि त्याच नावाने ती प्रसिद्ध झाली. कंकझरी व मटकासूरसोबत ती कित्येकदा दिसून आली आणि त्यांच्यासोबतच अनेकदा तिची जोडी जमली. तिच्या अधिवासात तिचेच राज्य असते. त्यामुळे या क्षेत्रात ती कुणालाही फिरकू देत नाही. ताडोबा-अंधारी व्याघ्रप्रकल्पात पर्यटकांमध्ये ती चांगलीच प्रसिद्ध आहे. तीचे अनेक किस्से प्रसिद्ध आहेत. तिच्या अधिवासात एकदा ढाण्या वाघाने प्रवेश केला होता, त्यालाही तीने परतावून लावले. बछड्यांच्या काळजीने तिने त्या वाघाशी दोन हात केले. पर्यटन हंगामात ती सातत्याने पर्यटकांना दर्शन देते. बछड्यांना निवांतपणे दूध पाजताना तर कधी त्यांच्यासोबत खेळताना दिसून येते. जुनाबाई वाघीण जेवढ्या तिच्या पराक्रमांनी प्रसिद्ध आहे, तेवढेच तीच्या मायेची प्रचिती देखील पर्यटकांनी अनुभवली आहे. छायाचित्रे - इंद्रजित मडावी (हेही पाहा : गोरी, रूबाबदार चेहरा अन् चकाकणारी त्वचा असलेली ‘चांदी’ वाघीण)