Photos: कर्णधार म्हणून सहा कसोटी द्विशतकं ते सर्वात वेगवान १० हजार धावा; जाणून घ्या विराट कोहलीचे विक्रम

१८ ऑगस्ट रोजी भारताचा माजी कर्णधार विराट कोहलीला आंतरराष्ट्रीय क्रिकेटमध्ये १४ वर्षे पूर्ण केली. कोहलीने २००८ मध्ये एकदिवसीय क्रिकेटमध्ये पदार्पण केले होते. आपल्या १४ वर्षांच्या काळात विराट कोहलीने एक खेळाडू आणि कर्णधार म्हणून अनेक विक्रम प्रस्थापित केले. विराट कोहलीने डिसेंबर २०१७ मध्ये कर्णधार म्हणून सहावे कसोटी द्विशतक झळकावले. अशी कामगिरी करणारा तो कसोटी क्रिकेटच्या इतिहासातील पहिलाच कर्णधार ठरला आहे. विराट कोहली हा कर्णधार म्हणून कसोटी क्रिकेटमध्ये सर्वात जलद चार हजार धावा करणारा फलंदाज आहे. त्याने ६५ डावांमध्ये हा टप्पा गाठून ब्रायन लाराचा विक्रम मोडला होता. एकदिवसीय सामन्यांत सर्वात जलद १० हजार धावा करण्याचा विक्रम कोहलीच्या नावे आहे. त्याने फक्त २०५ डावांमध्ये ही कामगिरी केलेली आहे. आयपीएलच्या एका मोसमात ९०० हून अधिक धावा करणारा विराट कोहली एकमेव फलंदाज आहे. आयपीएल २०१६मध्ये त्याने १६ सामन्यांत ८१.८० च्या सरासरीने ९७३ धावा केल्या होत्या. याशिवाय, एका कॅलेंडर वर्षात सर्वात जलद एक हजार धावा करण्याचा विक्रमही विराट कोहलीच्या नावे आहे. (सर्व फोटो सौजन्य - ट्विटर)