Cyrus Mistry Death Supriya Sule shared special story about how cyrus mistry was misrecognized by taj hotel workers

शापूरजी पालनजी या उद्योगघराण्याचे वारसदार सायरस मिस्त्री यांचे आज पालघर येथे भीषण अपघातात निधन झाले. सायरस यांच्या निधनानंतर पंतप्रधान नरेंद्र मोदी, महाराष्ट्राचे मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी सुद्धा श्रद्धांजली वाहिली आहे. सायरस यांच्या निधनावर शोक व्यक्त करत खासदार सुप्रिया सुळेंनी सायरस मिस्त्री हे किती साधे होते याच्या आठवणी सांगितल्या. सुप्रिया सुळे म्हणतात की, सायरस यांना पाणी पुरी, साबुदाणा खिचडी आवडायची. "आमच्या घरी हक्काने येऊन ते स्वतःच्या हाताने खायचे" सायरस यांचं इतकं साधं व्यक्तिमत्व होतं सायरस यांना महागड्या वस्तूंची अजिबात हौस नव्हती. त्यांचे कपड्यांचे कपाट पाहिले तर त्यात सहा कॉटनचे शर्ट व साध्या पँट दिसतील असेही सुळे यांनी सांगितले. सुप्रिया सुळे यांनी सांगितले की, ताज हॉटेलमध्ये एकदा पती सदानंद सुळे व सायरस मिस्त्री जेवायला गेले होते तेव्हा सायरस यांच्या साध्या वेशावरून तिथल्या कर्मचाऱ्यांना वाटलं सदानंद हेच सायरस आहेत. गैरसमजामुळे सदानंद सुळे यांना "तुमच्या स्वागताला आलोय" असे कर्मचारी म्हणाले आणि तेव्हा आम्ही सांगितलं हे सदानंद आहेत व हे सायरस आहेत. सायरस यांच्या निधनाने आमच्या कुटुंबाचा एक सदस्य हरपल्याची भावना सुप्रिया सुळे यांनी व्यक्ती केली. (सर्व फोटो सौजन्य: इंस्टाग्राम)