Photos : सानिया मिर्झाच्या बहिणीचाही झाला आहे घटस्फोट; दुसरं लग्न केलं अन्…

शोएब मलिकाबरोबर घटस्फोटाच्या बातम्यांमुळे सध्या सानिया मिर्झा चर्चेत आहे. त्यांचे चाहते मात्र यामुळे नक्कीच दुखावले आहेत. पण खूपच कमी लोकांना माहित असेल की मिर्झा घराण्यात हे पहिल्यांदाच घडत नाहीये. सानियापूर्वी तिची बहीण अनम हिचादेखील घटस्फोट झाला होता. सानिया मिर्झा भलेही स्पोर्ट्स वुमन असेल, पण ती तिच्या ग्लॅमरस लुक्समुळेही नेहमी चर्चेत असते. पण तुम्हाला माहिती आहे का, सानियाचे स्टायलिश कपडे इतर कोणीही नाही, तर तिची धाकटी बहीण अनम मिर्झाने डिझाइन करते. अनम मिर्झा ही सानियाची धाकटी बहिणी असली तरी तीदेखील एखाद्या स्टारपेक्षा कमी नाही. सानिया मिर्झाची धाकटी बहीण अनम मिर्झा फॅशन डिझायनर आहे. ती एक फॅशन आउटलेट चालवते. अनम तिचे आणि सानियाचे पोशाख स्वतः डिझाइन करते. अनम मिर्झा डिझायनर असण्यासोबतच युट्युबर देखील आहे. तिचे यूट्यूब चॅनल खूप लोकप्रिय आहे. ती या यूट्यूब चॅनलवर तिच्या आणि सानियाच्या आयुष्याशी संबंधित अपडेट्स शेअर करत असते. अनम मिर्झाला तिच्या व्लॉग्सवर चाहत्यांकडून खूप प्रेम मिळते. अनम मिर्झा ही प्रोफेशनल लाईफमध्ये खूप हिट आहे. ती एखाद्या सेलिब्रिटीपेक्षा कमी नाही. मात्र तिचे वैयक्तिक आयुष्यही चर्चेत राहिले आहे. अनम मिर्झा तिचे पहिले लग्न तुटल्यानंतर चर्चेत आली होती. अनम मिर्झाचे पहिले लग्न २०१८ मध्ये हैदराबाद येथील बिझनेसमन अकबर रशीदसोबत झाले होते. त्यांचे लग्न मोठ्या थाटामाटात पार पडले. या लग्नाला सलमान खान, अर्जुन कपूरपासून बॉलिवूडमधील अनेक सेलिब्रिटींनी हजेरी लावली. पण दोघांचे लग्न फार काळ टिकले नाही. लग्नाच्या दोन वर्षानंतर अनम आणि अकबर यांचा घटस्फोट झाला. घटस्फोटाचे कारण समोर आले नाही. पहिले लग्न तुटल्यानंतर अनमच्या आयुष्यात भारतीय क्रिकेट संघाचा माजी कर्णधार मोहम्मद अझरुद्दीनचा मुलगा मोहम्मद असदुद्दीन आला. दोघांची मैत्री झाली आणि मग मैत्रीचं रूपांतर प्रेमात झालं. तथापि, दुसऱ्या लग्नानंतर अनम सुखी वैवाहिक जीवन जगत आहे. (Photos : Instagram)