आयेशा उमर शोएब मलिकशी लग्न करणार? सानियाच्या घटस्फोटाला कारणीभूत असल्याच्या चर्चांवर अभिनेत्रीने सोडलं मौन

मागच्या महिनाभरापासून टेनिसपटू सानिया मिर्झा आणि क्रिकेटपटू शोएब मलिक यांच्या घटस्फोटाच्या चर्चा सुरू आहेत. दोघेही वेगळे राहत असून लवकरच घटस्फोट घेणार असल्याचं म्हटलं जातंय. पाकिस्तानी मॉडेल आणि अभिनेत्री आयेशा उमरमुळे सानिया मिर्झा आणि शोएबचं नातं बिघडल्याचंही म्हटलं जातंय. आयेशा शोएबची चांगली मैत्रीण आहे, दोघांनी एकत्र अनेक फोटोशूट केले आहेत. दरम्यान, तिच्यामुळे घटस्फोट होत असल्याच्या चर्चांवर मौन सोडत आयेशा उमरने प्रतिक्रिया दिली आहे. सोशल मीडियावर एका व्यक्तीने आयेशाला विचारले की तू आणि शोएब मलिक लग्न करणार आहात का? यावर प्रतिक्रिया देताना आयेशा म्हणाली, नाही, अजिबात नाही. तो विवाहित आहे आणि तो आपल्या पत्नीसोबत खूप आनंदी आहे. आयेशा पुढे म्हणाली, मी शोएब मलिक आणि सानिया मिर्झा या दोघांचा खूप आदर करते. शोएब आणि मी चांगले मित्र आहोत आणि एकमेकांची खूप काळजी घेतो. याशिवाय काहीच नाही, असं आयेशा म्हणाली. दरम्यान, आयेशा आणि शोएबचे काही बोल्ड फोटो सोशल मीडियावर व्हायरल झाले होते. त्यानंतर आयेशामुळे शोएब आणि सानियाचा घटस्फोट होत असल्याची चर्चा सोशल मीडियावर होती. (सर्व फोटो - शोएब मलिक व आयेशा उमरच्या इन्स्टाग्रामवरून साभार)