“नाईट ड्रेस छान आहे” अमृता फडणवीसांना नेटकऱ्यांनी केलं ट्रोल, म्हणाले “मेकअपला उशीर झाला म्हणून…”

उपमुख्यमंत्री देवेंद्र फडणवीस यांच्या पत्नी अमृता फडणवीस सोशल मीडियावर सक्रिय असल्याचं पाहायला मिळतं. अमृता या अनेक कार्यक्रमांना हजेरी लावतात. अमृता यांनी नुकतीच महिला दिनानिमित्त आयोजित केलेल्या महिला बचत गटाच्या कार्यक्रमाला हजेरी लावली होती. याचे काही फोटो त्यांनी इन्स्टाग्राम अकाऊंटवरुन शेअर केले आहेत. यावेळी त्यांनी प्रिंटेड ड्रेस परिधान केला होता. परंतु, या ड्रेसमुळे अमृता यांना नेटकऱ्यांनी ट्रोल केलं आहे. अनेकांनी अमृता यांच्या या फोटोवर कमेंट करत नाईट ड्रेस असं म्हटलं आहे. एका नेटकऱ्याने "तुम्ही साडी घाला एक सुसंस्कृत आणि आपल्या संस्कृतीला पुढे न्या आणि तुम्ही चांगल्या पण दिसाल", अशी कमेंट केली आहे. तर दुसऱ्याने "मेकअपला उशीर झाला म्हणून ड्रेस बदलायचा राहून गेला वाटतं", असं म्हटलं आहे. "नाईट ड्रेस छान दिसतोय" अशी कमेंटही केली आहे. "नाईट ड्रेस छान आहे" असंही एकाने म्हटलं आहे. अमृता या पेशाने बँकर असून त्या गायिकाही आहेत. आजवर अनेक गाण्यांनी त्यांनी प्रेक्षकांचं मनोरंजन केलं आहे. (सर्व फोटो: अमृता फडणवीस/ इन्स्टाग्राम) (हेही पाहा>> Pune Bypoll Election 2023: पोलीस अधिकाऱ्याची मुलगी बनली चिंचवडची आमदार; जगताप दाम्पत्याची एकूण संपत्ती माहीत आहे का?)