नीता अंबानींचे सौंदर्य फुलवणारा मेकअप आर्टिस्ट नक्की आहे तरी कोण? पगार ऐकून व्हाल अवाक्

उद्योगपती मुकेश अंबानी यांच्या पत्नी नीता अंबानी या बिझनेस वूमन आहेत. त्या एक उत्कृष्ट नृत्यांगना, फॅशनिस्टा आणि सामाजिक कार्यकर्ता देखील आहे. नीता यांना तीन अपत्ये आहेत. त्या तीन नातवंडांच्या आजीही आहेत, पण त्यांचं सौंदर्य तरुणींनाही लाजवेल असं आहे. त्या प्रत्येक इव्हेंटमध्ये एखाद्या सेलिब्रिटीपेक्षा कमी दिसत नाहीत. नीता यांना अधिक सुंदर बनवण्यात त्यांच्या मेकअपमॅनचा हात आहे. नीता अंबानीचे मेकअप आर्टिस्ट कोण आहे आणि नीता त्यांना किती पगार देतात, जाणून घेऊयात. वयाच्या ५९ व्या वर्षीही नीता अंबानी अतिशय सुंदर दिसतात. त्यांच्या सौंदर्यात भर घालतात ते मिकी कॉन्ट्रॅक्टर. . मिकी हे अंबानी कुटुंबाचे मेकअप आर्टिस्ट आहेत. ते केवळ नीताच नाही तर त्यांची मुलगी ईशा अंबानी व सून श्लोका मेहता अंबानीचाही मेकअप करतात. मिकी कॉन्ट्रॅक्टर पूर्वी टोकियोमध्ये हेअर आर्टिस्ट म्हणून काम करत होते. त्यावेळी ते एकदा बॉलिवूड अभिनेत्री हेलनला भेटले, हेलनने त्यांना फिल्म इंडस्ट्रीत येण्याचा सल्ला दिला. मग मिकी बॉलिवूडमध्ये आले व आज ते सुप्रसिद्ध मेकअप आर्टिस्ट्सपैकी एक आहेत. डीएनए रिपोर्टनुसार, मिकी एका व्यक्तीच्या मेकअपसाठी ७५ हजार रुपये ते १ लाख रुपये आकारतात. मिकी हे इंडस्ट्रीतील सर्वात व्यग्र व सर्वात जास्त मानधन घेणाऱ्या मेक-अप आर्टिस्टपैकी एक आहेत. (सर्व फोटो - मिकी कॉन्ट्रॅक्टर यांच्या इन्स्टाग्राम अकाउंटवरून साभार)