चेन्नईत मिचौंग चक्रीवादळाचा हाहाकार, रस्त्यापासून विमानतळापर्यंत साचलं पाणी, भयावह फोटो व्हायरल

बंगालच्या उपसागरात आलेल्या मिचौंग या चक्रीवादळामुळे तामिळनाडूच्या अनेक भागात पाऊस पडत आहे. वादळामुळे चेन्नई आणि परिसरातील जनजीवन विस्कळीत झाले आहे. पावसामुळे चेन्नईतील रस्त्यांसह विमानतळावर पाणी साचले आहे. पावसामुळे चेन्नईत पूरसदृश परिस्थिती निर्माण झाली आहे. पावसामुळे चेन्नई विमानतळाच्या धावपट्टी आणि भुयारी मार्गावर पाणी साचले आहे, त्याचा उड्डाणांवरही परिणाम झाला आहे. (Photo Source: @akajithofficial/twitter) चक्रीवादळामुळे विमानासह रेल्वे सेवाही रद्द करण्यात आली आहेत. तर काही उड्डाणे उशिरा केली जाणार आहेत. अनेक भागात तर रस्त्यांव्यतिरिक्त लोकांच्या घरातही पाणी शिरले आहे. घरांमध्ये पाणी शिरल्याने एनडीआरएफची टीम बचावकार्यात गुंतली आहे. रस्त्यांसह घरांमध्येही पाणी शिरले आहे. मुसळधार पावसामुळे याठिकाणी काही तास वीजपुरवठा खंडित करण्यात आला होता. (Photo Source: @fathimafarhanaS/twitter) मिचौंग चक्रीवादळामुळे आलेल्या मुसळधार पावसामुळे लोकांचे बरेच नुकसान झाले आहे. या फोटोत पोलीस रस्त्यावर उन्मळून पडलेले झाड हटवण्याचा प्रयत्न करताना दिसत आहेत. महापालिकेचे कर्मचारीही परिसरात तुंबलेले पाणी काढण्याचा प्रयत्न करत आहेत. त्याचबरोबर किनारपट्टीवरील लोकांच्या बाहेर पडण्यास मनाई करण्यात आली आहे. हवामान खात्याच्या अंदाजानुसार, मिचौंग चक्रीवादळामुळे ५ डिसेंबरला आणखी पाऊस पडू शकतो, त्यामुळे परिसरातील नागरिकांना सावधगिरी बाळगण्याचा सल्ला देण्यात आला आहे. (Photo Source : PTI)