‘ही’ आहेत भारतातील सगळ्यात श्रीमंत मंदिरे; जिथे भक्त देतात कोट्यावधी रुपयांची देणगी

माता राणी वैष्णो देवी मंदिर देशभरात खूप लोकप्रिय आहे. दरवर्षी, या ठिकाणी लाखो भाविक दर्शनासाठी येत असतात. एका अहवालानुसार दरवर्षी सुमारे ५०० कोटी रूपयांची देगणी भाविकांकडून मंदिराला दिली जाते. केरळच्या तिरुअनंतपूरममध्ये असलेलं पद्मनाभ स्वामी मंदिर हे भारतातील सर्वात श्रीमंत मंदिर मानलं जातं. एका अहवालानुसार, या मंदिराच्या 6 तिजोऱ्यांमध्ये सुमारे २० अब्ज डॉलर्सची संपत्ती आहे. पद्मनाभ स्वामी मंदिरात भगवान महाविष्णूची सोन्याची मूर्ती असून त्याची साधारण किंमत ५०० कोटी रुपये इतकी आहे. महाराष्ट्रात असणाऱ्या अहमदनगरातील शिर्डी साई बाबा मंदिर अत्यंत प्रसिद्ध आहे. देश-विदेशातील लाखो भाविक या मंदिरात दर्शनासाठी येत असतात. शिर्डी साई संस्थानने दिलेल्या माहितीनुसार, भाविकांकडून या मंदिराला दरवर्षी सुमारे ४८० कोटी इतके देणगी दिली जाते. मुंबईतील सिद्धिविनायक मंदिर प्रसिद्ध आहे. सामान्य नागरिकांपासून ते सेलिब्रिटीपर्यंत असे लोक श्री दर्शन व आपला नवस मागण्यासाठी येथे येतात. एका वृत्तानुसार, दरवर्षी मंदिरात जवळ-जवळ ७५ ते १२५ कोटी इतकी रक्कम भाविकांकडून देगणी स्वरुपात देण्यात येते. पंजाबमधील अमृतसरमध्ये स्थित गोल्डन टेम्पल शीख लोकांचे श्रद्धास्थान मानले जाते. जगभरातील अनेक शीख व पंजाबी लोक या मंदिरात दर्शनासाठी येत असतात. या मदिरांमध्ये आत्तापर्यंत जवळपास ४०० किलो सोने भक्तांनी दान केले आहे. आंध्र प्रदेशच्या तिरुमालामध्ये असलेलं तिरुपती बालाजी मंदिर हे देशातील एक अत्यंत प्रतिष्ठित आणि श्रीमंत मंदिर आहे. . या मंदिरात दरवर्षी साधारण ६० हजारहून अधिक भाविक देव-दर्शनासाठी येत असतात. दरवर्षी या मंदिराला भाविकांकडून ६५० कोटी इतकी देणगी देण्यात येते.