दिल्लीतील ‘ही’ ७ संग्रहालये भारताचा अमुल्य वारसा आहेत, इथे भेट देऊन तुम्ही एक विलक्षण अनुभव घेऊ शकता

भारताची राजधानी असण्याव्यतिरिक्त, दिल्ली हे एक ऐतिहासिक आणि सांस्कृतिक केंद्र देखील आहे. येथे असलेली अनेक संग्रहालये देशाचा इतिहास, कला, संस्कृती आणि वारसा दर्शवतात. तुम्ही दिल्लीत असाल, तर तुम्ही या ७ सर्वोत्तम संग्रहालयांना भेट देऊ शकता. Crafts Museum | हस्तकला संग्रहालयया ठिकाणी तुम्ही भारताच्या आदिवासी कला, वस्त्रोद्योग कारागीरी याचा थेट अनुभव घेऊ शकता, येथे पर्यटकांसाठी प्रात्यक्षिक सुद्धा ठेवलेले आहे. स्थळ: भैरों मार्ग, प्रगती मैदान, नवी दिल्ली (Photo Source: Nationalcraftsmuseum.nic.in) Dr. Ambedkar National Memorial | डॉ. आंबेडकर राष्ट्रीय स्मारक हे संग्रहालय बाबासाहेब आंबेडकरांचे जीवन आणि सामाजिक न्यायासाठी त्यांनी दिलेल्या योगदानावर प्रकाश टाकणारे आहे. स्थान: 26, अलीपूर रोड सिव्हिल लाईन्स असेंब्लीजवळ, नवी दिल्ली(Photo Source: delhitourism.gov.in) Gandhi Smriti or Birla House | गांधी स्मृती बिर्ला हाऊस हे तेच ठिकाण आहे जिथे महात्मा गांधींनी त्यांचे शेवटचे दिवस घालवले होते. येथे तुम्हाला त्यांचे जीवन आणि त्यांचे अद्भूत योगदान जाणून घेण्याची संधी मिळेल. स्थान: 5 तीस जानेवारी मार्ग, राजघाट, नवी दिल्ली(Photo Source: gandhismriti.gov.in) National Gallery of Modern Art | नॅशनल गॅलरी ऑफ मॉडर्न आर्ट राजा रविवर्मा आणि अमृता शेर-गिल यांसारख्या आघाडीच्या कलाकारांच्या कलाकृतींसह हे आधुनिक भारतीय कलेचे संग्रहालय आहे. स्थान: जयपूर हाऊस, शेरशाह रोड, नवी दिल्ली(Photo Source: @ngma_delhi/twitter) Nehru Memorial Museum | नेहरू मेमोरियल म्युझियम जवाहरलाल नेहरूंचे जीवन आणि स्वातंत्र्यानंतरच्या भारताचा इतिहास जाणून घेण्यासाठी हे संग्रहालय महत्त्वाचे ठिकाण आहे. स्थान: तीन मूर्ती भवन, नवी दिल्ली(Photo Source: pmsangrahalaya.gov.in) Rail Museum | रेल्वे संग्रहालय रेल्वे संग्रहालय भारतीय रेल्वेच्या इतिहासाचे प्रदर्शन करते. येथे तुम्ही जुन्या रेल्वे गाड्या पाहू शकता आणि टॉय ट्रेनच्या प्रवासाचा आनंद घेऊ शकता. ठिकाण: चाणक्यपुरी, नवी दिल्ली(Photo Source: nrmindia.org) Shankar’s International Dolls Museum | शंकर आंतरराष्ट्रीय बाहुल्यांचे संग्रहालय हे संग्रहालय विविध प्रकारच्या बाहुल्यांचा संग्रह सादर करते, हे लहान मुले आणि प्रौढ दोघांनाही एक अद्भुत अनुभव देते. स्थळ: बहादूर शाह जफर मार्ग, विक्रम नगर, नवी दिल्ली(Photo Source: delhitourism.travel) हेही वाचा- हसन नसराल्लाहमुळे इस्रायली सैन्याला लेबनॉनमधून माघार घ्यावी लागली होती?, कोण होता हिजबोला प्रमुख आणि त्याचा खात्मा कसा करण्यात आला?