Photos: जय अजित पवार यांच्या साखरपुड्यानिमित्त पवार कुटुंब पुन्हा एकत्र; सुप्रिया सुळेंनी शेअर केले खास फोटो

महाराष्ट्राचे उपमुख्यमंत्री (Deputy Chief Minister Of Maharashtra) तथा पुण्याचे पालकमंत्री अजित पवार (Ajit Pawar) यांच्या धाकट्या लेकाचा काल साखरपुडा पार पडला. बारामतीच्या खासदार आणि जय पवार यांच्या आत्या सुप्रिया सुळे (Supriya Sule) यांनी सोशल मीडियावर साखरपुड्यातील काही खास फोटो शेअर केले आहेत. साखरपुड्यासाठी जय पवार (Jay Ajit Pawar) यांनी पांढऱ्या रंगाचा जोधपुरी सूट परिधान केला होता तर ऋतुजा पाटील (Rutuja Patil) यांनी डिझायनर साडी नेसली होती. ऋतुजा या फलटण येथील प्रवीण पाटील (Pravin Patil) यांच्या कन्या आहेत. ऋतुजा पाटील या उच्चशिक्षित आहेत. मागच्या काही वर्षांपासून ऋतुजा पाटील आणि जय पवार यांची ओळख आहे. जय व ऋतुजाच्या साखरपुड्यानिमित्त (Engagement Ceremony) संपूर्ण पवार व पाटील कुटुंब एकत्र आले होते. जय यांनी आपल्या होणाऱ्या भावी पत्नी ऋतुजा पाटील यांच्यासह खासदार शरद पवार (Sharad Pawar) यांची भेट घेतली होती. पवार कुटुंबीयांनी या नवीन जोडप्यांचे औक्षण करून त्यांना भरभरून शुभेच्छा दिल्या होत्या. लवकरच जय व ऋतुजा लग्नगाठ बांधणार (Jay Pawar Rutuja Patil Wedding) आहेत अशी चर्चा रंगली आहे. (सर्व फोटो सौजन्य : सुप्रिया सुळे आणि जय पवार/इन्स्टाग्राम) (हेही पाहा : लोकेश गुप्ते यांच्या लेकीला पाहिलेत का? 'या' लोकप्रिय मालिकेत करतेय काम)