Tesla Mumbai Photos: पाहा मुंबईतील टेस्लाचे पहिले शोरूम; कारची किंमत माहिती आहे का?

Tesla India Updates: उद्योगपती एलॉन मस्क (Elon Musk) यांच्या टेस्ला (Tesla) कंपनीच्या पहिल्या शोरूमचे आज (१५ जुलै) मुंबईत (Mumbai) मुख्यमंत्री देवेंद्र फडणवीस (CM Devendra Fadnavis) यांच्या हस्ते उद्घाटन झाले. (सर्व फोटो - अमित चक्रवर्ती, इंडियन एक्सप्रेस) वांद्रे-कुर्ला संकुल येथील मेकर मॅक्सिटी (Bandra Kurla Complex Maker Maxity) कमर्शियल कॉम्प्लेक्समध्ये टेस्लाचे पहिले शोरूम (Tesla Showroom) आहे. वांद्रे-कुर्ला संकुल (BKC) हे ठिकाण मुंबईतील एक प्रमुख व्यावसायिक केंद्र आहे. टेस्लाने पहिल्या टप्प्यात भारतात त्यांची मॉडेल वाय ही कार लॉन्च (Tesla Model Y Launched In India) केली आहे. या कारची ऑन रोड किंमत ६१ लाख रुपये (Tesla Model Y Car Price) इतकी असणार आहे. या कारच्या रिअर-व्हील ड्राइव्ह व्हेरिएंटसाठी ग्राहकांना ५९.८९ लाख रुपये मोजावे लागतील, अशी माहिती रॉयटर्सने दिली आहे. टेस्लाचे मॉडेल वाय हे सध्या जगातील सर्वाधिक विक्री होणारे इलेक्ट्रिक वाहन (Electric Car) आहे. मुंबईनंतर टेस्ला आपले दुसरे शोरूम जुलैच्या अखेरीस दिल्लीत (Delhi) सुरू करणार आहे. त्यानंतर भारतात टेस्लाचा वेगाने विस्तार होईल. आता मुंबईसह भारतातील रस्त्यांवर टेस्लाच्या गाड्या धावताना दिसणार आहेत.