माधुरीचं वनतारामध्ये स्वागत! कोल्हापूरची हत्तीण गुजरातमध्ये दाखल, फोटो व्हायरल!

नांदणी (ता. शिरोळ) येथील जैन मठात (Kolhapur-Based Jain Math) हत्ती पालनाची सुमारे दोनशे वर्षांची परंपरा आहे. माधुरी या हत्तीणींला न्यायालयाच्या आदेशाने नुकताच पोलीस बंदोबस्तात गुजरातमधील वनतारा (Vantara, Gujarat) पशुसंग्रहालयाच्या ताब्यात देण्यात आले. वनतारा हे पशुसंग्रहालय (Radhe Krishna Elephant Welfare Trust) रिलायन्स उद्योगसमूहाचे अनंत अंबानी यांच्या मालकीचे आहे. ही हत्तीण (Madhuri Elephant) ताब्यात घेण्यावरून गेले दोन आठवडे कोल्हापूर (Kolhapur) आणि नांदणी परिसरात संघर्ष सुरू होता. हत्तीण ताब्यात घेण्यास आलेल्या पथकाला ग्रामस्थ, भाविकांनी जोरदार विरोध केला. या वेळी पथकावर दगडफेकीचा प्रकारही झाला. अखेर पोलीस बंदोबस्तात या हत्तीणींची गुजरातला (Jamnagar, Gujarat) रवानगी झाली. स्वस्तिश्री पट्टाचार्य महास्वामी यांनी हत्तिणीची पूजा केली. यावेळी मठाचे महास्वामींसह ग्रामस्थ आणि भाविकांना अश्रू अनावर झाले. हत्तिणीची वाजत गाजत मिरवणूक काढण्यात आली. साश्रूपूर्ण वातावरणात तिला निरोप देण्यात आला. गुजरातमधील वनतारा पशुसंग्रहालयाने हत्तीणींचे काही फोटो सोशल मीडियावर शेअर केले आहेत. माधुरी या हत्तीणींचं गुजरातमध्ये जोरदार स्वागत करण्यात आले. (सर्व फोटो सौजन्य : वनतारा आणि कोल्हापूर पेज/इन्स्टाग्राम)