PM Narendra Modi Birthday: पंतप्रधान नरेंद्र मोदी यांचे शिक्षण माहिती आहे का?

Happy 75th Birthday Prime Minister Narendra Modi: देशाचे पंतप्रधान नरेंद्र मोदी यांचा आज (१७ सप्टेंबर २०२५) ७५ वा वाढदिवस आहे. वाढदिवसानिमित्त देशासह जगभरातून पंतप्रधान मोदींना शुभेच्छा देण्यात येत आहेत. आज देशभरात मोदींचा वाढदिवस साजरा केला जातो आहे. केंद्रात भाजपाच्या नेतृत्वाखालील राष्ट्रीय लोकशाही आघाडी सत्तेवर येण्यापूर्वी ते दीर्घकाळ गुजरातचे मुख्यमंत्री होते. पंतप्रधान नरेंद्र मोदी यांच्या शैक्षणिक पात्रतेविषयी अनेक वाद असले तरी त्यांनी दिल्ली विद्यापीठातून मुक्त शिक्षण पद्धतीने कला शाखेतील पदवीपर्यंतचे शिक्षण पूर्ण केल्याचे सांगितले जाते. त्यानंतर गुजरात विद्यापीठातून मोदींनी राज्यशास्त्र हा विषय करून मास्टर्स पदवीही मिळवली. पंतप्रधान मोदींनी त्यांच्या आई हिराबेन यांनी दिलेल्या शिकवणींची अनेकदा आठवण करून दिली आहे. पंतप्रधान मोदींनी आपल्या साध्या राहणीमानाचे आणि काटकसरीच्या स्वभावाचे श्रेयही आई हिराबेन यांनाच दिले आहे. पंतप्रधान नरेंद्र मोदी यांना देश व जगभरातून मिळालेल्या १३०० भेटवस्तूंचा ऑनलाईन लिलाव होणार आहे. येत्या २ ऑक्टोबरपर्यंत हा लिलाव चालू असेल. मोदींना मिळालेल्या भेटवस्तूंच्या लिलावातून मिळणारी रक्कम गंगा नदीच्या स्वच्छतेच्या कामासाठी वापरली जाईल. सर्व पैसे नमामि गंगे या मोहीमेसाठी दिले जातील. देश व जगभरातील कुठलीही व्यक्ती या ऑनलाईन लिलावात सहभागी होऊ शकते.