पंजाबी गायिका सुनंदा शर्माने लाईव्ह कार्यक्रमात चाहत्याला मारली मिठी; व्हिडीओ व्हायरल, पाहा फोटो

पंजाबी गायिका सुनंदा शर्मा सध्या इंटरनेटवर चर्चेचा विषय ठरत आहे. पंजाबी गायिका म्हणून प्रसिद्ध असलेली सुनंदा तिच्या गाण्यांमुळे अनेकदा चर्चेत असते. मात्र सध्या तिने एका लाईव्ह कार्यक्रमादरम्यान चाहत्याला दिलेल्या अनपेक्षित प्रतिसादाबद्दल लोक तिची चर्चा करत आहेत. गायकांचा लाईव्ह कार्यक्रम असेल तर चाहते अशा कार्यक्रमांना गर्दी करतात. साहजिकच दर्दी चाहत्यांसाठी गायक काही ना काही विशेष आठवण देण्याचा प्रयत्न करत असतात. सुनंदा शर्माच्या व्हायरल व्हिडीओमध्ये तिचा चाहता स्टेजजवळ तिला साद घालताना दिसत आहे. अतिशय उत्साहाने भरलेल्या या चाहत्याला सुनंदा शर्मा स्टेजवर बोलवते. चाहता स्टेजवर आल्यानंतर सुनंदा त्याला मिठी मारते. त्याच्याशी संवाद साधते आणि त्याला फोटो काढू देते. कोण आहे सुनंदा शर्मा?आपल्या वेगळ्या अंदाजाने स्वतःची ओळख निर्माण करणाऱ्या सुनंदाचा जन्म ३० जानेवारी १९९२ रोजी झाला. युट्यूबवर गाणी अपलोड करून तिने या क्षेत्रात पदार्पण केले होते. २०१७ रोजी आलेल्या 'जानी तेरा ना' या गाण्यामुळे तिला प्रसिद्धी मिळाली. या गाण्याला युट्यूबवर कोट्यवधी व्ह्यूज मिळाले आहेत. तिला पंजाबी संगीतासाठी दिला जाणारा पीटीसी पुरस्कारही मिळाला आहे. संगीताबरोबरच सुनंदाने प्रसिद्ध कलाकार दिलजीत दोसांजसह अभिनयही केला आहे. दोघांनी सज्जन सिंह रंगरुटमध्ये काम केले आहे.