पुणे : भीमाशंकर-कल्याण बसला गिरवली येथे अपघात घडला. त्यात ही बस उलटली. बसमध्ये एकूण ३५ प्रवासी होते. या अपघातात पाच प्रवाशांना दुखापत झाली असून, त्यांच्यावर घोडेगाव येथील ग्रामीण रुग्णालयात उपचार करण्यात येत आहेत. इतर प्रवासी सुखरूप आहेत, अशी माहिती जिल्हा प्रशासनाने दिली.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
गिरवली येथे बस उलटल्याची माहिती १०८ नियंत्रण कक्षाला दूरध्वनीद्वारे मिळाली. त्यानुसार जिल्हा प्रशासनाकडून तातडीने पाच रुग्णवाहिका अपघातस्थळी रवाना करण्यात आल्या. जिल्हा प्रशासनाचे अधिकारी अपघातस्थळी दाखल झाले असून, अपघातग्रस्तांना आवश्यक ती मदत करण्यात येत असल्याचेही जिल्हा प्रशासनाकडून सांगण्यात आले. बसला झालेल्या अपघाताचे कारण अद्याप समजू शकलेले नाही.
First published on: 13-07-2023 at 10:27 IST
Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Bhimashankar to kalyan bus accident at girvali pune print news ccp 14 amy