"काम नाही, धाम नाही, घरी जा बायको..." मंत्री चंद्रकांत पाटलांनी पत्रकाराला हुसकावलं, VIDEO व्हायरल | chandrakant patil get angry on journalist in pune viral video rmm 97 | Loksatta

“काम नाही, धाम नाही, घरी जा बायको…” मंत्री चंद्रकांत पाटलांनी पत्रकाराला हुसकावलं, VIDEO व्हायरल

पुण्यातील जिल्हा परिषदेच्या बैठकीनंतर प्रतिक्रिया घेण्यासाठी आलेल्या एका पत्रकाराला चंद्रकांत पाटलांनी हुसकावलं आहे.

“काम नाही, धाम नाही, घरी जा बायको…” मंत्री चंद्रकांत पाटलांनी पत्रकाराला हुसकावलं, VIDEO व्हायरल

भारतीय जनता पार्टीचे नेते आणि राज्याचे उच्च व तंत्रशिक्षण मंत्री चंद्रकांत पाटील आज पुणे दौऱ्यावर आले होते. पुण्याचे पालकमंत्री झाल्यानंतर त्यांनी आज पहिल्यांदाच पुणे जिल्हा परिषदेची आढावा बैठक घेतली. या बैठकीनंतर प्रतिक्रिया घेण्यासाठी आलेल्या एका पत्रकाराला चंद्रकांत पाटलांनी हुसकावल्याचं दिसत आहेत. संबंधित घटनेचा व्हिडीओ समोर आला असून सोशल मीडियात व्हायरल होत आहे.

पुण्यातील बैठकीनंतर चंद्रकांत पाटील आपल्या वाहनात बसत होते. यावेळी एक पत्रकार त्यांच्याकडे प्रतिक्रिया घेण्यासाठी आला. संबंधित बैठकीत काय चर्चा झाली? याबाबत विचारलं असता, चंद्रकांत पाटलांनी पत्रकाराला हुसकावून लावलं. “काम नाही, धाम नाही, घरी जा…तुझी बायको वाट पाहतेय” असं चंद्रकांत पाटील म्हटल्याचं कॅमेऱ्यात कैद झालं आहे.

पालकमंत्री झाल्यानंतर चंद्रकांत पाटलांनी पहिल्यांदाच पुणे जिल्हा परिषदेची आढावा बैठक घेतली. जिल्हा परिषदेमार्फत राबवण्यात येणाऱ्या केंद्र शासनाच्या तसंच राज्य शासनाच्या विविध योजनांच्या अंमलबजावणीचा आढावा प्रत्येक महिन्यात घेण्यात यावा. तसेच जिल्हा परिषदेने सर्वसामान्य व्यक्तीला केंद्रस्थानी ठेऊन विश्वस्ताच्या भूमिकेतून विकासाभिमुख कामे करावीत, अशा सूचना पालकमंत्री चंद्रकांत पाटील यांनी दिल्या.

दरम्यान, जिल्हा परिषदेत उभारलेल्या विकास योजना निरीक्षण कक्षाचं उद्घाटनही पालकमंत्री चंद्रकांत पाटील यांच्या हस्ते करण्यात आलं. या कक्षामार्फत जिल्हा परिषदेमार्फत राबवण्यात येणाऱ्या विकास योजनांच्या आर्थिक, भौतिक प्रगतीचा आढावा घेण्यासह संगणकीय पद्धतीने नियंत्रण केले जाणार आहे.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
‘टीईटी’बाबत दिरंगाई झाल्यास आता अधिकाऱ्यांवर कारवाई; प्राथमिक शिक्षण संचालकांचा उपसंचालकांना इशारा

संबंधित बातम्या

“…अन्यथा कर्नाटकचे मुख्यमंत्री याला जबाबदार राहतील”, महाराष्ट्रच्या ट्रकवर दगडफेक केल्यावर शरद पवारांची प्रतिक्रिया
बेळगाव प्रकरणाचे पुण्यात पडसाद! स्वारगेट स्थानकात कर्नाटकच्या बसेसवर ठाकरे गटाकडून ‘जय महाराष्ट्र’ची रंगरंगोटी
बेळगावात महाराष्ट्राच्या वाहनांवर दगडफेक; देवेंद्र फडणवीसांचा कर्नाटकच्या मुख्यमंत्र्यांना थेट फोन, म्हणाले…
“कन्नड रक्षण वेदिकेला काँग्रेसची फूस”, भाजपाचा गंभीर आरोप; म्हणाले, “महाराष्ट्र काँग्रेसचे नेते…”
“पुढील २४ तासांमध्ये हे प्रकार थांबले नाहीत तर…”; महाराष्ट्र-कर्नाटक सीमावादावरुन झालेल्या हल्ल्यांवरुन पवारांचा थेट इशारा

व्हिडिओ

ताज्या बातम्या
“तर मी…” ऐतिहासिक चित्रपटातील भूमिकांविषयी अक्षय कुमारने दिलं होतं स्पष्टीकरण
मुंबईः उपचाराच्या निमित्ताने वृद्धाची १० लाखांची फसवणूक; तिघांविरोधात फसवणुकीचा गुन्हा दाखल
Moose Wala Murder: “मला जिवंत पकडणं तुम्हाला शक्य नाही,” मास्टरमाइंड गोल्डी ब्रारचं थेट मुख्यमंत्र्यांना आव्हान, व्हिडीओ व्हायरल
ट्रेनवर असणाऱ्या या झाकणांचा उपयोग काय असतो? जाणून घ्या याचे महत्त्व
माथेफिरु प्रेमीने विवाहितेच्या घरी पाठवली रुग्णवाहिका; पोलिसांनाही गंडवलं; जाणून घ्या काय आहे प्रकरण?