पुणे : उपमुख्यमंत्री देवेंद्र फडणवीस यांच्याकडून खासदार गिरीश बापट यांच्या प्रकृतीची विचारपूस

हेही वाचा- पुणे: ‘ॲकॅडमिक क्रेडिट बँक’साठी साडेचार लाख विद्यार्थ्यांची नोंदणी; प्र-कुलगुरू संजीव सोनवणे यांची माहिती

खासदार गिरीश बापट गेल्या काही महिन्यांपासून श्वसनाच्या आजाराने त्रस्त आहेत. त्यांच्यावर एका खासगी रुग्णालयात उपचार सुरू आहेत. प्रकृतीच्या कारणास्तव बापट यांचा सक्रिय राजकारणातील सहभागही कमी झाला आहे. मुक्ता टिळक यांचे निधन झाल्याने टिळक कुटुंबीयांचे सांत्वन करण्यासाठी उपमुख्यमंत्री देवेंद्र फडणवीस यांच्यासह भाजपचे अन्य नेते पुण्यात आले होते. त्यानंतर फडणवीस यांनी खासगी रुग्णालयात जाऊन बापट यांच्या प्रकृतीची विचारपूस केली. बापट यांच्या प्रकृतीमध्ये सुधारणा होत आहे. ते लवकर बरे होतील, असा विश्वासही फडणवीस यांनी व्यक्त केला.