पिंपरी-चिंचवड: जुन्या पुणे- मुंबई महामार्गावर नियंत्रण सुटून ट्रेलरचा भीषण अपघात झाला. अपघातानंतर ट्रेलरला भीषण आग लागली. या घटनेत चालक गंभीर जखमी झाला आहे. त्याला तातडीने रुग्णालयात घेऊन जाण्यात आलं. सकाळी साडेसहाच्या सुमारास हा अपघात झाल्याची माहिती पोलिसांनी दिली आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

हेही वाचा : पिंपरी : चिंचवड शहरातील भाजपमधील गटबाजी उघड; इच्छुकांना डावलत विधानसभा उमेदवारीसाठी ‘या’ तिघांची नावे प्रदेशकडे

मुंबईहून पुण्याच्या दिशेने येत असताना चालकाचे ट्रेलरवरील नियंत्रण सुटल्याने हा अपघात झाल्याची माहिती मिळत आहे. अपघातामुळे काही काळ मुंबईहून पुण्याच्या दिशेने येणाऱ्या वाहतुकीवर परिणाम झाला होता. वाहतूक कोंडी झाली होती. अग्निशमन दलाने घटनास्थळी तात्काळ येऊन आग आटोक्यात आणली आहे. आगीत ट्रेलर जळून खाक झाल आहे. वडगाव मावळ अग्निशमन दल, देवदूतच्या आणि आयआरबीच्या टीमने आगीवर नियंत्रण मिळवले. या अपघातात ट्रेलर चालक गंभीर भाजला असून त्याच्यावर खासगी रुग्णालयात उपचार सुरू आहेत. ट्रेलरला लागलेली आग आटोक्यात आणून वाहतूक सुरळीत करण्यात आली आहे.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: In pune driver seriously injured in accident on old pune mumbai highway kjp 91 css