मार्केट यार्डात टेम्पोच्या धडकेने पादचाऱ्याचा मृत्यू

पुणे: मार्केट यार्ड परिसरात टेम्पोच्या धडकेने पादचाऱ्याचा मृत्यू झाल्याची घटना घडली. वसंत रामचंद्र अवघडे (वय ४५) असे मृत्युमुखी पडलेल्याचे नाव आहे. या प्रकरणी टेम्पो चालकाच्या विरुद्ध गुन्हा दाखल करण्यात आला.

याबाबत सहायक पोलीस निरीक्षक मदन कांबळे यांनी मार्केट यार्ड पोलीस ठाण्यात फिर्याद दिली आहे. अवघडे मार्केट यार्डातील प्रवेशद्वार क्रमांक चार परिसरातून निघाले होते. त्या वेळी भरधाव टेम्पोने अवघडे यांना धडक दिली. अपघातानंतर टेम्पोचालक पसार झाला. अपघातात गंभीर जखमी झालेल्या अवघडे यांच्यावर उपचार करण्यापूर्वीच त्यांचा मृत्यू झाला. पोलीस उपनिरीक्षक शिंदे अधिक तपास करत आहेत.