plaster of paris shade of the pune collectorate collapsed due to strong winds pune print news zws 70 | Loksatta

जिल्हाधिकारी कार्यालयाच्या ‘लौकिकाचे छप्पर फाटले’ ;  जिल्हाधिकाऱ्यांच्या वाहनाचेही नुकसान

जिल्हाधिकारी कार्यालयाच्या या ‘भव्यदिव्य’ अशा नूतन इमारतीचे उद्घाटन ७ ऑक्टोबर २०१७ रोजी तत्कालीन मुख्यमंत्री देवेंद्र फडणवीस यांच्या हस्ते करण्यात आले होते.

जिल्हाधिकारी कार्यालयाच्या ‘लौकिकाचे छप्पर फाटले’ ;  जिल्हाधिकाऱ्यांच्या वाहनाचेही नुकसान
आच्छादन कोसळून जिल्हाधिकारी डॉ. राजेश देशमुख यांच्या गाडीची काचही फुटली.

पुणे : तब्बल ६६ कोटी ३० लाख रुपये खर्च करून बांधलेल्या, मंत्रालयानंतरची सर्वांत सुसज्ज हरित इमारत असा लौकिक असलेल्या पुणे जिल्हाधिकारी कार्यालयाचे ‘प्लॅस्टर ऑफ पॅरिस – पीओपी’ आच्छादन शुक्रवारी सायंकाळी वादळी वाऱ्यामुळे कोसळले. त्यामुळे जिल्हाधिकारी कार्यालयाच्या इमारतीचे वादळ, वारा, पाऊस, अतिउष्णता, हवा आदींवर आधारित पर्यावरणपूरक बांधकामाबाबतचा प्रशासनाचा दावा फोल ठरला. तसेच हे आच्छादन कोसळून जिल्हाधिकारी डॉ. राजेश देशमुख यांच्या गाडीची काचही फुटली. कार्यालयातील कागदपत्रे वाऱ्याने उडाली.

जिल्हाधिकारी कार्यालयाच्या या ‘भव्यदिव्य’ अशा नूतन इमारतीचे उद्घाटन ७ ऑक्टोबर २०१७ रोजी तत्कालीन मुख्यमंत्री देवेंद्र फडणवीस यांच्या हस्ते करण्यात आले होते. या इमारतीसाठी तब्बल ६६ कोटी ३० लाख रुपये खर्च करण्यात आला आहे. शुक्रवारी सायंकाळी वादळी वाऱ्यासह झालेल्या जोरदार पावसाने जिल्हाधिकारी कार्यालयाच्या लौकिकाचे छप्पर कोसळल्याचे पाहायला मिळाले. या पावसामुळे जिल्हाधिकारी कार्यालयातील छताचे पीओपी आच्छादन कोसळले. त्याचा फटका जिल्हाधिकारी डॉ. देशमुख यांच्या शासकीय वाहनाला बसला. डॉ. देशमुख यांच्या चारचाकीची मागील काच आच्छादन कोसळून फुटली. सुदैवाने त्या वेळी गाडीत कोणीही नव्हते. तसेच वाऱ्यामुळे जिल्हाधिकारी कार्यालयातील कागदपत्रे उडाली. जिल्हाधिकारी कार्यालयातील सर्वसाधारण शाखेचे नायब तहसीलदार श्रावण ताते म्हणाले, की नायब जिल्हाधिकारी कार्यालयाच्या इमारतीचे बांधकाम डागडुजीचे काम सार्वजनिक बांधकाम विभागाकडे (पीडब्ल्यूडी) आहे. शुक्रवारी झालेल्या प्रकाराबाबत तत्काळ पीडब्ल्यूडी विभागाच्या अधिकाऱ्यांना पाचारण करून संबंधित बांधकाम आणि वादळी पावसाच्या उपाययोजना संदर्भातील काम करण्याच्या सूचना देण्यात आल्या.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पुणे : शहरातील पाणीपुरवठा पुन्हा विस्कळीत

संबंधित बातम्या

‘राज्यपाल हटाव’च्या मुद्द्यावर संभाजीराजे-उदयनराजे आक्रमक, अजित पवार म्हणाले, “कोश्यारी खासगीत म्हणतात…”
महापुरुषांच्या विषयावर राज ठाकरेंनी तुमचं ऐकलं का? अजित पवार म्हणाले, “ओठात एक आणि…”
निधीअभावी पुणे जिल्हा परिषदेच्या अत्याधुनिक अभिलेख कक्षाचे काम रखडले
संतापजनक! वडील, चुलत्याने केला १७ वर्षीय तरुणीवर बलात्कार; आजोबांकडून विनयभंग
शाब्बास गुरुजी! पालिकेच्या शाळेत अभिनव उपक्रम, टाकाऊ वस्तूंपासून बनवलं रायफल शूटिंग प्रशिक्षण केंद्र!

व्हिडिओ

ताज्या बातम्या
शेतकऱ्याचा नादच खुळा! शेतात आलेल्या सिंहिंणींना दिलं जशाच तसं उत्तर, Viral Video पाहून म्हणाल ‘कमाल है’
सुपरस्टार चिरंजीवी यांनी चित्रपट महोत्सवात चाहत्यांना दिलं मोठं वचन; म्हणाले “मी चित्रपटसृष्टी…”
पुणे शहरात रिक्षा बंद, प्रवाशांचे हाल; मागणी पूर्ण होईपर्यंत बंद सुरू ठेवण्याचा निर्धार
आंध्रप्रदेशचे मुख्यमंत्री जगन मोहन रेड्डींच्या बहिणीला तेलंगणात अटक, गाड्यांचीही जाळपोळ; काय आहे प्रकरण?
निधीअभावी पुणे जिल्हा परिषदेच्या अत्याधुनिक अभिलेख कक्षाचे काम रखडले