शहरप्रमुख स्थायी समिती सदस्य होण्यासाठी माझ्याकडे संजय राऊतांनी २५ लाखांची केली होती मागणी; शिवसेना पुणे शहरप्रमुख नाना भानगिरे

यावेळी नाना भानगिरे म्हणाले की, त्याकाळात शिवसेनेमध्ये कशा प्रकारे काम चालायच याबाबत नीलम गोऱ्हे यांनी भूमिका मांडली आहे.त्यानंतर संजय राऊत यांनी नीलम गोऱ्हे यांच्याबद्दल जे विधान केले आहे.ते निषेधार्थ असून राज्यातील महिलांचा अपमान त्यांनी केला आहे. त्यामुळे संजय राऊत यांनी नाक घासून माफी मागावी,तसेच आज आम्ही संजय राऊत यांच्या फोटोला जोडे मारून निषेध नोंदवित आहोत,येत्या काळात संजय राऊत पुण्यात आल्यावर आम्ही त्यांच्या तोंडाला काळे नक्कीच फासणार असल्याचा इशारा त्यांनी दिला.

तसेच ते पुढे म्हणाले,”पद वाटप करतेवेळी जे अर्थकारण चालयच, त्याबाबत नीलम गोऱ्हे यांनी भूमिका मांडली आहे.तोच अनुभव मला पुणे महापालिकेमध्ये नगरसेवक होतो.त्यावेळी शहर प्रमुख आणि स्थायी समिती सदस्य होण्यासाठी संजय राऊत यांनी जिल्हा संपर्क नेते बाळा कदम यांच्यामार्फत २५ लाखांची मागणी केली होती.बाळा कदम हे संजय राऊत यांचे विश्वासू सहकारी होते.त्यामुळे त्यांनी मला अधिक बोलण्यास लावू नका,संजय राऊत यांनी कोणाकडून किती पैसे मागितले, याबाबत लवकरच जाहीर करू असा इशारा देखील त्यांनी दिला.