डोंबिवलीजवळील खोणी गावात बाहेरील मुस्लिमांना नमाजास बंदी, गैरप्रकार टाळण्यासाठी ग्रामस्थांचा निर्णय

खोणी गाव पलावा, दहीसर, मोरी, मुंब्रा परिसरात येते. प्रत्येक शुक्रवारी खोणी गावातील मस्जिदीमध्ये या भागातील मुस्लिम समाजातील नागरिक नमाजासाठी येतात. खोणी गावातील मुस्लिमांना नमाज पठणासाठी ग्रामस्थांचा विरोध नाही. त्यांनी नियमितपणे त्यांचे धार्मिक कार्य करावे, त्याला आमचा विरोध नाही. फक्त बाहेरून येणाऱ्या मुस्लिमांना आमचा विरोध आहे, असे ग्रामस्थांनी सांगितले.

हेही वाचा…लाचेप्रकरणी सार्वजनिक बांधकाम विभागातील वरिष्ठ लिपीक अटकेत

शुक्रवार असल्याने बाहेरील मुस्लिम नागरिक अधिक संख्येने गावात येतील म्हणून शुक्रवारी सकाळीच ग्रामस्थांनी मस्जिदीकडे जाणारा रस्ता अडथळे उभा करून बंद केला होता. खोणी परिसरातून मस्जिदीत नमाजासाठी आलेल्या नागरिकांना गावकीच्या निर्णयाची माहिती देऊन त्यांना परत पाठविण्यात येत होते. मानपाडा पोलिसांना ही माहिती मिळताच अनुचित प्रकार टाळण्यासाठी पोलीस बंदोबस्त ठेवण्यात आला होता. कल्याण, डोंबिवली, दिवा ग्रामीण हद्दीतील बेकायदा चाळी, वस्त्यांमध्ये बांगलादेशी, नायजेरियन नागरिक राहण्यास आले आहेत. त्यामुळे गावांमधील नागरिकांमध्ये अस्वस्थतेचे वातावरण आहे. मुंबईतील मोठ्या गुन्ह्यातील गुन्हेगार डोंबिवली परिसरातून अटक केले जात आहेत.

हेही वाचा…कल्याणमधील बालिकेचा मारेकरी विशाल गवळी डोंबिवलीतील पोलीस कोठडीत

गावातील महिला, भगिनी, विद्यार्थीनी यांची सुरक्षितता राखणे ही ग्रामस्थांची जबाबदारी आहे. खोणी गावात दर शुक्रवारी बाहेरून सुमारे दीड हजाराहून अधिक मुस्लिम नमाजासाठी येतात. बालिकांवरील लैंगिक अत्याचार, लव्ह जिहाद ही सगळी प्रकरणे पाहता गावची, गावातील महिलांची सुरक्षितता राखणे महत्वाचे वाटत असल्याने खोणी गावा व्यतिरिक्त बाहेरून गावात नमाजासाठी येणाऱ्यांना गावात येण्यास बंदी केली आहे. गावातील मुस्लिम धर्मिय फक्त या मशिदीत नमाज पढतील. आम्ही स्थानिक मुस्लिम, पोलिसांना पूर्ण सहकार्य करत आहोत. हनुमान ठोंबरे ग्रामस्थ, खोणी.