डोंबिवली : एका मोबाईल विक्रीच्या दुकानात चोरी करून ते चोरीचे मोबाईल विठ्ठलवाडी भागात विक्रीसाठी घेऊन येणाऱ्या दोन जणांना कल्याण गुन्हे शाखेच्या पथकाने सोमवारी अटक केली. यामधील एक आरोपी सुरक्षा अधिकारी असल्याचे पोलीस तपासात उघड झाले आहे. वीरेंद्र जयवंत नाटेकर (३९, रा. धरमसाई पॅलेस, पिंटू पार्क हाॅटेलजवळ, उल्हासनगर-३), प्रेम श्यामजी दुवा (२९, रा. उल्हासनगर) अशी आरोपींची नावे आहेत. यामधील नाटेकर हा सुरक्षा अधिकारी आहे. कल्याण गुन्हे शाखेच्या पथकातील हवालदार दत्ताराम भोसले यांना गुप्त माहिती मिळाली की, चोरीचे मोबाईल विकण्यासाठी दोन इसम विठ्ठलवाडी रेल्वे स्थानक भागात येणार आहेत. गुन्हे शाखेचे वरिष्ठ पोलीस निरीक्षक नरेश पवार, पोलीस निरीक्षक राहुल मस्के, साहाय्यक पोलीस निरीक्षक संदीप चव्हाण, संतोष उगलमुगले, उपनिरीक्षक संजय माळी, हवालदार बालाजी शिंदे, दत्ताराम भोसले, गुरुनाथ जरग, दीपक महाजन, मिथुन राठोड, गौरव रोकडे, विलास कडू यांच्या पथकाने सोमवारी विठ्ठलवाडी भागात सापळा रचला.

हेही वाचा : ठाण्यात दिशादर्शक, नो पार्किंग फलकांची चोरी; वाहतूक पोलिसांची डोकेदुखी वाढली

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: In dombivli security officer arrested for mobile theft from a shop css
First published on: 22-02-2024 at 13:18 IST