Kidnapping attempt student failed near Titwala in Kalyan A case registered against two unknown persons | Loksatta

कल्याणमधील टिटवाळ्याजवळ विद्यार्थिनीच्या अपहरणाचा प्रयत्न फसला ; दोन अज्ञातांविरुध्द गुन्हा दाखल

रिक्षा चालक, दुचाकी स्वार आपले अपहरण करतील या भीतीने पूजाने या दोघांना जवळून पळ काढला. तिने निंबवली गावातील रस्त्याच्या कडेला असलेल्या गणेश हिरवे यांच्या घराचा आधार घेतला.

कल्याणमधील टिटवाळ्याजवळ विद्यार्थिनीच्या अपहरणाचा प्रयत्न फसला ; दोन अज्ञातांविरुध्द गुन्हा दाखल
संग्रहित छायाचित्र

कल्याण : टिटवाळ्या जवळील निंबवली गाव हद्दीत एका शाळकरी विद्यार्थिनीला गुंगीचे औषध देऊन तिला फूस लावून पळून नेण्याचा प्रयत्न एक रिक्षा चालक आणि त्याच्या दुचाकी वरील साथीदाराने केला. परंतु, विद्यार्थिनीच्या जागरुकतेमुळे त्यांचा प्रयत्न फसला. याप्रकरणी टिटवाळा पोलीस ठाण्यात मुलीच्या आईच्या तक्रारी वरुन पोलिसांनी गुन्हा दाखल करुन भामट्यांचा शोध सुरू केला आहे. पोलिसांनी सांगितले, शकुंतला वाघे आणि त्यांचे कुटुंब खडवली जवळील राये गाव हद्दीत राहते. मोलमजुरी करुन ते कुटुंबाची उपजीविका करतात. शकंतुला यांची पूजा ही मुलगी राये गावा जवळील निंबवली-गुरवली गाव हद्दीतील माध्यमिक विद्यालयात नववीत शिकते. सकाळी सात वाजताची शाळा असल्याने पूजाचे वडील तिला शाळेत सोडतात.

दुपारी एक वाजता शाळेतून पायी घरी घेऊन येतात. शुक्रवारी नेहमीप्रमाणे पूजाला तिचे वडील सुकऱ्या वाघे यांनी शाळेत सोडले. ते पुन्हा दुपारी तिला शाळेतून आणण्यासाठी जाणार होते. शाळेत शनिवारी आरोग्य शिबीर असल्याने त्या बैठकीसाठी शाळा सकाळी साडे अकरा वाजता सोडण्यात आली. एका वाजेपर्यंत शाळेत बसून वडिलांची वाट पाहत बसण्यापेक्षा पूजा आपल्या ओझर्ली येथील मैत्रिणींसोबत पायी राया गावाकडे निघाली. ओझर्लीतील मुली एका वाटने निघून गेल्यानंतर पूजा एकटीच राया गावाकडे पायी चालली होती. रस्त्याला एकटीच असल्याने तिला भिती वाटत होती. त्यावेळी समोरुन एक रिक्षा चालक आला. त्याने पूजाला राया गावाकडे जाणार रस्ता कोणा अशी विचारणा केली. पूजाने त्याला हाच रस्ता पुढे जातो असे सांगितले. तेवढ्यात एक दुचाकी स्वार रिक्षा चालका जवळ आला. त्याने खिशातून एक बाटली रिक्षा चालकाच्या हातात दिली. चालकाने ती रुमालाने उघडण्यास सुरुवात केली.

हेही वाचा : डायघर घनकचरा प्रकल्प उभारणीच्या हालचालींना वेग

रिक्षा चालक, दुचाकी स्वार आपले अपहरण करतील या भीतीने पूजाने या दोघां जवळून पळ काढला. तिने निंबवली गावातील रस्त्याच्या कडेला असलेल्या गणेश हिरवे यांच्या घराचा आधार घेतला. पूजाने रिक्षा चालक आणि त्याचा साथीदार आपला पाठलाग करत असल्याचे गणेश यांना सांगितले. पळून दम लागल्याने पूजा जमिनीवर कोसळली. गणेश यांनी तात्काळ रस्त्यावर जाऊन दोघांचा शोध सुरू केला. तोपर्यंत दोघे टिटवाळा दिशेेने पळून गेले होते.

हेही वाचा : कल्याण डोंबिवली पालिकेत लघुलेखकाला सहाय्यक आयुक्त पदी पदोन्नती दिल्याने कर्मचाऱ्यांमध्ये नाराजी

हा प्रकार गणेश हिरवे यांनी राम केणे यांना सांगितला. या दोघांनी पूजाला सुखरुप राया येथे आणून सोडले. त्यानंतर केणे यांच्या सोबतीने पूजाची आई शकुंतला यांनी मुलीच्या बाबतीत घडल्या प्रकाराची टिटवाळा पोलीस ठाण्यात तक्रार केली. पोलिसांनी गुन्हा दाखल करुन तपास सुरू केला आहे. दोन्ही भामटे ३० वयोगटातील होते.

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
ठाणे : देवीच्या मिरवणूकीमुळे शहर कोंडले

संबंधित बातम्या

डोंबिवलीतील १५ बेकायदा इमारतींची ‘रेरा’ नोंदणी ‘महारेरा’कडून रद्द; करोना काळात बँकाँकडून माफियांना सर्वाधिक कर्ज
बांधकाम साहित्य पुरवठ्यावरुन डोंबिवलीत तरुणांच्या दोन गटात हाणामारी
‘महाविकास आघाडीतील मंत्र्यांची चौकशी करणार’ म्हणणाऱ्या नरेश म्हस्केंना राष्ट्रवादीचे प्रत्युत्तर; म्हणाले, “नगरविकास विभागाच्या…”
डोंबिवलीत पलावामध्ये घर मालकाकडून भाडेकरूला धमकी; घरातील सामान फेकले
विश्लेषण: ठाणे जिल्ह्यात बिबट्याच्या अधिवासाची कारणे काय?

व्हिडिओ

ताज्या बातम्या
तब्बल ३० वर्षांनंतर शाहरुख गौरी खानच्या हनिमूनचं गुपित उलगडलं…
“दु:ख हेच आहे की एका माणसाच्या राक्षसी महत्त्वकांक्षेसाठी महाराष्ट्र मागे पडतोय”; मुख्यमंत्री शिंदेंवर आदित्य ठाकरेंचे टीकास्त्र!
बदाम खाल्ल्याने ‘हे’ ४ त्रास १०० च्या वेगाने वाढू शकतात! एका दिवसात किती व कसे बदाम खाणे आहे योग्य?
मंगल प्रभात लोढांकडून शिवरायांच्या आग्र्यातील सुटकेची तुलना शिंदेंच्या बंडाशी; म्हणाले, “शिवराय आग्र्यातून बाहेर पडले, त्याचप्रमाणे…”
“दाक्षिणात्य चित्रपटांची खिल्ली उडवणारेच आज…” राणा दग्गुबातीचे परखड भाष्य