Relief 65 projects Thane Sanjay Gandhi Udyan environmentally sensitive Supreme Court ysh 95 | Loksatta

ठाण्यातील ६५ प्रकल्पांना दिलासा; संजय गांधी उद्यानाच्या हद्दीपासून शंभर मीटरचे क्षेत्र पर्यावरणदृष्टय़ा संवेदनशील : सर्वोच्च न्यायालय

संजय गांधी राष्ट्रीय उद्यानाच्या हद्दीपासून फक्त शंभर मीटरचे क्षेत्र पर्यावरणदृष्टय़ा संवेदनशील राहणार आहे.

ठाण्यातील ६५ प्रकल्पांना दिलासा; संजय गांधी उद्यानाच्या हद्दीपासून शंभर मीटरचे क्षेत्र पर्यावरणदृष्टय़ा संवेदनशील : सर्वोच्च न्यायालय
संग्रहित छायाचित्र

ठाणे : संजय गांधी राष्ट्रीय उद्यानाच्या हद्दीपासून फक्त शंभर मीटरचे क्षेत्र पर्यावरणदृष्टय़ा संवेदनशील राहणार आहे. ठाण्यातील बांधकाम व्यवसायिकांच्या ‘एमसीएचआय’ या संघटनेने सर्वोच्च न्यायालयात दाखल केलेल्या अर्जावरील (इंटरलोक्युटरी अ‍ॅप्लिकेशन) सुनावणीच्या वेळी न्यायालयाने हे स्पष्ट केले. यामुळे ठाण्यातील सामूहिक विकास (क्लस्टर) योजनेसह ६५ बांधकाम प्रकल्पांची कामे पुन्हा सुरू होण्याचा मार्ग मोकळा झाला. 

ठाणे महापालिका क्षेत्रातील संजय गांधी राष्ट्रीय उद्यानाच्या हद्दीपासून १०० मीटरचा परिसर यापूर्वी पर्यावरणदृष्टया संवेदनशील क्षेत्र म्हणून घोषित होता. या क्षेत्रातील बांधकामांचे प्रस्ताव शासनाच्या मार्गदर्शक सूचनेनुसार सनियंत्रण समितीकडे पाठविण्यात येत होते. समिती संबंधित अर्जाची पाहणी करून त्यांना परवानगी देण्यासंदर्भात निर्णय घेते. असे असतानाच सर्वोच्च न्यायालयाने पर्यावरणदृष्टय़ा संवेदनशील क्षेत्र असलेल्या या उद्यानाच्या हद्दीपासून एक किमीच्या परिसरात नवीन कायमस्वरूपी बांधकामे उभारण्यास बंदी घालण्याचे आदेश दिले होते. त्याचबरोबर या क्षेत्रात यापूर्वी ठाणे महापालिकेने बांधकाम प्रारंभ दाखला दिलेले प्रकल्प राज्याचे प्रधान मुख्य वनसंरक्षकांकडे पुन्हा मंजुरीसाठी पाठविण्याचे निर्देश सर्वोच्च न्यायालयाने दिले होते. त्यानुसार वर्तकनगर, बाळकुम आणि घोडबंदर पट्टय़ात सुरू असलेले ६५ प्रकल्प ठप्प झाले असून यामध्ये घरे घेणारे शेकडो नागरिक हवालदिल झाले होते. या पार्श्वमूमीवर ‘एमसीएचआय’ने  सर्वोच्च न्यायालयात अर्ज (इंटरलोक्युटरी अ‍ॅप्लिकेशन) दाखल केला होता. त्यावर मंगळवारी सर्वोच्च न्यायालयाचे न्यायमूर्ती बी. आर. गवई, न्यायमूर्ती सूर्याकांत, न्यायमूर्ती जे. बी. परडीवाला यांच्या पीठासमोर सुनावणी झाली.

संजय गांधी राष्ट्रीय उद्यानाच्या हद्दीपासून १०० मीटरचा परिसर पर्यावरणदृष्टय़ा संवेदनशील क्षेत्र असल्याची अधिसूचना २०१६ मध्ये प्रसिद्ध करण्यात आल्याची बाब संघटनेच्या वकिलांनी न्यायालयाच्या निदर्शनास आणून दिली. त्यानंतर संजय गांधी राष्ट्रीय उद्यानाच्या हद्दीपासून एक किमीचा परिसरासंबंधीचा दिलेला आदेश लागू राहणार नसल्याचे न्यायालयाने स्पष्ट केले. दरम्यान, सर्वोच्च न्यायालयाच्या स्पष्टीकरणामुळे पूर्वीच्या पद्धतीनेच बांधकाम परवानगी देण्याची प्रक्रिया सुरू राहणार असल्याचे महापालिका अधिकाऱ्यांनी स्पष्ट केले.

‘एमसीएचआय’ संघटनेच्या वतीने सर्वोच्च न्यायालयात दाखल केलेल्या अर्जावर (इंटरलोक्युटरी अ‍ॅप्लिकेशन) मंगळवारी सुनावणी झाली. त्यात संजय गांधी राष्ट्रीय उद्यानाच्या हद्दीपासून एक किमीचा परिसर पर्यावरणदृष्टय़ा संवेदनशील क्षेत्रातून वगळण्यात आला असून याठिकाणी पूर्वीप्रमाणेच म्हणजेच सहा वर्षांपूर्वी निश्चित केलेले शंभर मीटरचे क्षेत्रच पर्यावरणदृष्टय़ा संवेदनशील राहणार आहे, असे न्यायालयाने स्पष्ट केले आहे. त्यामुळे रखडलेल्या प्रकल्पांची कामे पुन्हा सुरू होण्याबरोबरच या प्रकल्पात घरे घेणारे ग्राहक आणि त्यांना गृह कर्ज देणाऱ्या वित्त संस्थांना दिलासा मिळाला आहे.

– जितेंद्र मेहता, अध्यक्ष, एमसीएचआय, ठाणे

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
ठाणे महापालिका मुख्यालयातून शिंदे सेनेची दसरा मेळाव्याची तयारी – माजी नगरसेवकांची पालिकेत पार पडली बैठक

संबंधित बातम्या

ठाणे पोलिसांचे मध्यरात्री कोंबिग ऑपरेशन; १८४ जणांना अटक
ठाणे : महिलांनी कपडे नाही घातले तरी त्या जास्त सुंदर दिसतात… बाबा रामदेव यांचे वादग्रस्त वक्तव्य
“मुख्यमंत्र्यांचा अर्धनग्न फोटो टाकला असता तर…”, जितेंद्र आव्हाड यांचा सवाल
ठाणे: अंमली पदार्थ आणि जिवंत काडतुसे बाळगणाऱ्या दोघांना अटक
वसाहतीचे ठाणे : सत्यम, शिवम, सुंदरम..

व्हिडिओ

ताज्या बातम्या
“आजचं भाषण म्हणजे वैफल्यग्रस्त…” अतुल भातखळकरांचा उद्धव ठाकरेंना खोचक टोला!
“ताई हुशार निघाल्या” म्हणणाऱ्या उद्धव ठाकरेंना भावना गवळींचं प्रत्युत्तर; म्हणाल्या, “माझ्यावर झालेले आरोप…”
गौतमी पाटीलचा अश्लील नाच थांबवा, नाहीतर गृह मंत्रालय..; महाराष्ट्र नवनिर्माण सेनेचं कठोर शब्दात पत्र
VIDEO: “आपल्या ताई मोठ्या हुशार निघाल्या, त्यांनी मोदींना राखी बांधली आणि…”, उद्धव ठाकरेंचा भावना गवळींवर गंभीर आरोप
Video : भिंतीचा आधार घेत पार्टीतून बाहेर पडली सोहेल खानची पूर्वाश्रमीची पत्नी; नेटकरी म्हणाले, “धड चालताही…”