Father-daughter Viral video: लेक माहेराच सोनं, लेक सौख्याच औक्षण, लेक बासरीची धूण, लेक अंगणी पैंजण…मुलींना परकं धन समजलं जातं, कारण एक दिवस ती माहेरचं घर आणि नाव सोडून सासरी नांदायला जाते. पण आईवडीलांच्या मनातील मुलीचं स्थान मात्र कायम राहतं. मुलीची जागा कोणताही मुलगा घेऊ शकत नाही. वडील आणि मुलीचं नातं खूपच खास असतं. मुलं आईच्या खूप जवळची असतात,तर मुली वडिलांच्या खूप जवळच्या असतात, असं म्हटलं जातं. आपल्याला इंटरनेटवर बाप-लेकीच्या प्रेमाचं, त्यांच्या बाँडिंगचे अनेक व्हिडिओ पाहायला मिळतात. जी पोरगी आयुष्यभर आई-बापाच्या कुशीत वाढली, जिला हवं ते मिळत होते, ती एका क्षणात दुसऱ्याच्या घरची लक्ष्मी होते. ज्या माहेरच्या घरात मुलगी लहानाची मोठी होते, त्या घरातून काढता पाय घेताना कोणत्याही मुलीचे अंतकरण जड होते. माहेरातून सासरच्या घरी निघतानाचा हा हळवा प्रसंग प्रत्येक घरात अनुभवायला मिळतो. असाच एक व्हिडीओ सध्या सोशल मीडियावर व्हायरल होत आहे.
आपल्याला माहिती आहे आर्मीमध्ये असणारे आपले जवान किती कठोर असतात. त्यांना देशसेवा करण्यासाठी इतकं कठोर बनावं लागतं की त्यांना स्वत:च्या भावनांनाही आवर घालावा लागतो. मात्र एक क्षण असा येतो की हा कठोर आर्मीमॅनही धायमोकलून रडतो. तो क्षण म्हणजे लेकीचं लग्न. अशाच एका जवानाचा लेकीच्या लग्नातील व्हिडीओ व्हायरल होत आहे. हा व्हिडीओ पाहून तुमच्याही डोळ्यात नकळत पाणी येईल.
लग्न आणि त्यानंतरचे सर्व विधी आटोपून येणारा निरोपाचा क्षण नववधूच्या मातापित्यासह सर्वांनाच जड जातो. महिने-दोन महिने लग्नाच्या गडबडीत सहज निघून जातात मात्र शेवटच्या क्षणी सगळ्यांचाच कंठ दाटून येतो. अशाच एका लेकिच्या पाठवणीला आई-वडिलांचा कंठ दाटून आलाय. या व्हिडीओमध्ये तुम्ही पाहू शकता, आई-वडिल आपल्या लेकीला घेऊन मांडवाच्या एका बाजूला धायमोकलून रडताना दिसत आहेत.
पाहा व्हिडीओ
हेही वाचा >> बुलेट थांबवली म्हणून वाहतूक पोलिसालाच लगावली कानशिलात; मात्र शेवट असा झाला की…VIDEO पाहून व्हाल अवाक्
हा व्हिडीओ गेल्या काही दिवसांपासून सोशल मीडियावर व्हायरल होत आहे. नेटकरी व्हिडीओवर वेगवेगळ्या कमेंट करत आपल्या लेकीच्या पाठवणीचे क्षण आठवत आहेत. हा व्हिडीओ madhurimore_makeover या अकाऊंटवरुन शेअर करण्यात आला आहे.