Mumbai Local Train Viral Video : मुंबईची जान म्हणजे लोकल ट्रेन…मुंबईची लाइफलाइन असं तिला म्हटलं जातं, सतत खचाखच भरलेली लोकल ट्रेन जेव्हा लॉकडाऊनमध्ये बंद होती. जणू मुंबईने श्वास घेणेचं थांबवलं होतं. लोकल ट्रेनमधून असंख्य प्रवासी प्रवास करत असतात. सोमवार असो की रविवार मुंबईकरत कधी थांबत नाही. त्यामुळे मुंबई लोकल म्हणजे मुंबईरांचं दुसरं घरचं. अशावेळी कोण काय करेल याचा नेम नाही. दरम्यान मुंबई लोकलमधील आणखी एक व्हिडीओ समोर आला आहे.
मुंबईच्या मुसळधार पावसातलोकल ट्रेनचा एक व्हिडीओ सोशल मीडियावर मोठ्या प्रमाणात व्हायरल होत आहे. व्हिडिओमध्ये मुंबईच्या लोकल ट्रेनमध्ये कपडे सुकत टाकताना दिसत आहे. या व्हिडीओमध्ये लोकल ट्रेनमध्ये एका लोखंडी रॉडवर साडी, कागद आणि टॉवेल लटकलेला दिसतो.
चक्क ट्रेनमध्ये वाळत टाकले कपडे
या व्हिडीओमध्ये तुम्ही पाहू शकता, लोखंडी रॉडवर एका लाइनमध्ये हे कपडे सुकत घातले आहेत. हे कपडे वाऱ्याने उडत आहेत. यामध्ये साडी, एक मोठा कागद, आणि टॉवेलसारखा एक कपडा दिसत आहे. लोकलमधले अनेक व्हिडीओ याधाही व्हायरल झाले आहेत. त्यामुळे हा व्हिडीओ पाहून लोक म्हणत आहेत, हे फक्त मुंबई लोकलमध्येच घडू शकतं.
पाहा व्हिडीओ
हेही वाचा – अभिमानास्पद! आईवडिलांना परदेशातील घरी नेताना मुलाने केले असे स्वागत!; VIDEO पाहून तुमचंही मन भारावून जाईल!
या व्हिडीओवर अनेक मजेशीर कमेंट्सही येत आहेत. एका युजरने ‘आमची मुंबई’ असे म्हटले आहे. तर दुसर्‍याने “काय दृश्य आहे.” एका युझरने “मी पहिल्यांदा पाहिले” असे पोस्ट केले.