Video : “हाडाचा कलाकार आहे भाऊ! रडला पण डान्स नाही विसरला”; दादा कोंडके स्टाईल चिमुकल्याचा डान्स पाहून पोट धरून हसाल

व्हायरल व्हिडीओमध्ये चिमुकल्यांचे दिग्गज कलाकार दादा कोंडके यांच्या गाण्यावर डान्स केला आहे. मुलांनी दादा कोंडके यांच्यासारखी वेषभूषा परिधान केली आहे. डोक्यावरील पांढरी टोपी आडवी घातली आहे तर शर्ट आणि हाफ पँट घातली आहे. हाफ पँटची नाडी खाली लटकताना दिसत आहे. चिमुकल्याच्या चेहऱ्यावर काळ्या मिशा रेखाटल्या आहेत. मुलींनी नऊवारी साडी परिधान केलेली आहे. अशा चार मुलांच्या जोड्या बनवल्या आहे आणि सर्वजण हिल हिल पोरी हिला या गाण्यावर डान्स करताना दिसत आहे. सर्वजण छान डान्स करत आहे पण सर्वांमध्ये एक चिमुकल्याने सर्वांचे लक्ष वेधले आहे. आश्चर्याची गोष्ट म्हणजे डान्स करताना चिमुकला रडत आहे. रडत रडतच हा चिमुकला डान्स करत आहे. एवढंच काय तो एवढा रडत आहे तरी डान्सची एकही स्टेप विसरलेला नाही. हे पाहून नेटकऱ्यांना चिमुकल्याचे कौतुक वाटत आहे.

येथे पाहा फोटो

व्हायरल व्हिडिओ इंस्टाग्रामवर wonderful_memories12 नावाच्या पेजवर पोस्ट केला आहे. व्हिडिओ शेअर करतान कॅप्शनमध्य लिहिले आहे की, “घाबरून वैतागलेला दादा कोंडके” व्हिडीओवर अनेकांनी कमेंट करून चिमुकल्याचे तोंडभरून कौतुक केले आहे.
एकाने कमेंट केली की, “एवढा रडतोय पण डान्स स्टेप विसरला नाही”

दुसरा म्हणाला की, “हाडाचा कलाकार आहे, काही असो स्टेप विसरला नाही.”

तिसऱ्याने कमेंट केली की, “एवढ्या टेन्शनमध्ये एकही स्टेप विसरला नाही. भावाने मनापासून प्रॅक्टिस केली होती, एक नंबर भावा”

चौथा म्हणाला, वा रे पठ्ठ्या, रडला पण स्टेज सोडून नाही गेला वाघ, सलाम बाळा तुला”

गाण्यातील “का सतावितोय मला” हे बोल आणि चिमुकल्याची अवस्था पाहून एकाने लिहिले की, “कोणी बरं एवढं सतावले असेल याला”

चिमुकल्याचा निरागसपणाने नेटकऱ्यांचे मन जिंकले आहे. स्टेजवर गेल्यानंतर त्याला रडू आले तरी त्याने हार मानली नाही. रडत रडक का असेना पण डान्स केला याचे नेटकऱ्यांना विशेष कौतुक वाटत आहे. चिमुकल्याच्या वागण्यातून आपल्याया हीच शिकवण मिळते आहे की, काहीही झाले तरी हाल मानू नका. नेहमी परिस्थितीचा सामाना करावा.