हत्तीच्या हल्ल्यात गमावले घर! कॅब ड्रायव्हरने दिला स्वतःला दोष… आयएफएस अधिकाऱ्याची कौतुकाची पोस्ट

आयएफएस अधिकारी मुदित वर्मा प्रवासादरम्यान त्यांच्या ड्रायव्हरशी संवाद साधत होते. त्यादरम्यान ड्रायव्हरनं गेल्या वर्षी घडलेली एक घटना सांगितली. गेल्या वर्षी जंगलातील हत्तीनं ड्रायव्हरचं घर उद्ध्वस्त केलं होत; पण त्याचा दोष हत्तीला न देता, ड्रायव्हर म्हणतो की, ती घटना माझ्या चुकीमुळे घडली. पुढे ड्रायव्हर म्हणतो, “जर मी घरात केळीचा घड ठेवला असता, तर कदाचित हत्तीनं माझं घर उद्ध्वस्त केलं नसतं.” आयएफएस अधिकाऱ्यानं शेअर केलेली पोस्ट एकदा तुम्हीसुद्धा बघाच.

हेही वाचा… Mumbai Vadapav : मुंबईचा चीज वडापाव खाल्ला का? व्हायरल व्हिडीओ पाहून तोंडाला पाणी सुटेल

पोस्ट नक्की बघा :

इंडियन फॉरेस्ट सर्व्हिसचे अधिकारी (IFS) यांची पोस्ट :

आयएफएस अधिकारी मुदित वर्मा यांनी त्यांच्या अधिकृत गाडीमधला एक फोटो पोस्ट केला आहे. गाडीमध्ये पुढे गणवेशात एक ड्रायव्हर बसला आहे. त्याचं नाव कमल असं आहे. कमल या ड्रायव्हरचं घर गेल्या वर्षी हत्तीनं उद्ध्वस्त केलं. पण याचं दुःख त्यांना अजिबात नसून त्यांनी हत्तीसाठी घरात केळीचा घड ठेवला नाही या गोष्टीचं त्यांना सगळ्यात जास्त वाईट वाटत आहे. ही गोष्ट ऐकून आयएफएस अधिकाऱ्याला आश्चर्य वाटलं आणि त्यांनी ही गोष्ट सोशल मीडियावर सगळ्यांसोबत शेअर केली.

सोशल मीडियावर ही पोस्ट आयएफएस अधिकारी यांच्या अधिकृत @MuditKVarma एक्स (ट्विटर) अकाउंटवरून शेअर करण्यात आली आहे. या पोस्टमधून हे समजून येत आहे की, नेहमी हत्तीसाठी केळीचा घड घरात आवर्जून ठेवणारा ड्रायव्हर हत्तीसाठी त्या दिवशी केळी ठेवायला विसरला असेल म्हणून रागात येऊन हत्तीनं त्याचं घर उद्ध्वस्त केलं. जंगलातील प्राणी आणि माणसांचं नातं कसं असतं याचं एक उदाहरण या पोस्टमधून पाहायला मिळालं आहे.