“आता काय जीव घेणार का?” तुम्हीही डुप्लीकेट अमुल बटर खात नाहीये ना? आत्ताच तपासा; VIDEO पाहून पायाखालची जमीन सरकेल

व्हिडीओमध्ये दिलेल्या माहितीनुसार या डुप्लीकेट बटरचं पॅकिंग हुबेहुब खऱ्या अमुल बटर सारखं करण्याचा प्रयत्न केलाय. पण जर तुम्ही दोन्ही पॅकेट निरखून पाहिलीत तर तुमच्या लक्षात येईल पॅकेटवर जो हिरव्या रंगाचा डॉट आहे त्याच्या शेजारी जास्त जागा सोडण्यात आली आहे. पण ओरिज्नलमध्ये ही जागा कमी आहे. त्यानंतर पाठीमागे जो अमुलचा लोगो आहे त्यामध्ये सुद्धा फरक आहे. यावरून तुम्ही खरं आणि खोटं पॅकेट ओळखू शकता. तसंच डुप्लीकेट लोणी हे पाम तेल आणि दूधाला मिक्स करून तयार केलं जातं. त्यामुळे चवीमध्ये सुद्दा तुम्हाला फरक जाणवेल. हे अशाप्रकारे फसवणूक करतात की ते आपल्या लवकर लक्षातही येणार नाही. हा व्हिडीओ व्हायरल झाल्यानंतर सोशल मीडियावर संतापाची लाट उसळली आहे.

स्वादिष्ट जेवणासाठी गृहिणी हमाखास लोण्याचा उपयोग करतात. छोट्यांपासून मोठ्यांपर्यंत प्रत्येकाचा आवडता नाश्ता म्हणजे ब्रेड आणि बटर. पण जरा थांबा. हेच लोणी तुमच्या आरोग्यासाठी घातक ठरू शकतं. बनावट लोण्यामुळे आजारांचं प्रमाण वाढलं आहे. विशेष म्हणजे हानीकारक लोणी खाल्ल्यानं डायबिटीजसारखे आजार बळावतायेत.बाजारात आधीच मोठ्या प्रमाणावर आपली फसवणूक होत असते. भेसळयुक्त पदार्थ, प्रक्रिया केलेले पदार्थ खाण्याशिवाय आता आपल्याला पर्याय नाह. कारण- आता सर्वच पदार्थांमध्ये भेसळ केली जाते. त्यामुळेच हल्ली आजारी पडण्याचं प्रमाण वाढलं आहे.

पाहा व्हिडीओ

हेही वाचा >> “याला म्हणतात भावाचं प्रेम” बहिणीला काय गिफ्ट दिलं पाहा; हिस्सा घेण्यासाठी भांडणाऱ्या बहिण-भावांनी पाहावा असा VIDEO

सोशल मीडियावर हा व्हिडीओ constellaplay नावाच्या इन्स्टाग्राम अकाऊंटवरुन शेअर करण्यात आला आहे. यावर आता नेटकरी वेगवेगळ्या प्रतिक्रिया देत आहेत. एकानं म्हंटलंय, “अजून किती लोकांच्या जीवावर उठणार?” तर आणखी एकानं “हे सगळं कधी बंद होणार काय माहिती की आता काय हे जीव घेणार का” असा सवाल केलाय.