सोशल मीडियावर वेगाने व्हायरल होत असलेला एक मजेदार व्हिडीओ सध्या सर्वांचं लक्ष वेधून घेत आहे. हा व्हिडीओ पाहून काही लोक हसतात तर काही जण थक्क होतात. या व्हिडीओमध्ये एक तरुणी आरामात झाडावर बसून रील बनवताना दिसत आहे. पण, अचानक घडलेली घटना पाहून लोकांना हसू आवरत नाहीये. सोशल मीडियावर अशा अप्रत्याशित आणि मजेदार घटनांचे व्हिडीओ अनेकांना आवडतात आणि हा व्हिडीओ त्याचं एक उदाहरण ठरला आहे.
व्हिडीओची सुरुवात एका तरुणीने पर्यटनस्थळी किंवा नैसर्गिक परिसरात झाडावर झोपून रील शूट करताना केली आहे. ती कॅमेऱ्यासमोर आरामात हसते आणि एका ट्रेंडी गाण्यावर पोझ देते. ती रील बनवण्यात इतकी मग्न आहे की तिला तिच्या आजूबाजूच्या परिस्थितीचे भान रहात नाही. अचानक एक लहान माकड झाडाच्या वरील भागातून येते आणि थेट त्या तरुणीच्या अंगावर चढते. यामुळे तरुणी घाबरून ओरडते आणि लगेच खाली उडी मारते. हे सर्व क्षणार्धात घडतं, ज्यामुळे हे पाहणारेही क्षणभर स्तब्ध होतात.
पाहा व्हिडिओ
असा प्रसंग घडताच “तिच्या कुटुंबीयांमधले सगळे जण हसतात, कारण तरुणी रील बनवण्यात इतकी गुंतलेली होती की माकड येऊन बसल्याचं तिला कळलंच नाही. या व्हिडीओवर अनेकांनी सोशल मीडियावर प्रतिक्रिया दिल्या आहेत. काहींनी मजेदार प्रतिक्रिया दिल्या आहेत. जसे की, “माकडाने तर खराब केले!” तर दुसऱ्याने म्हटले, “रील बनवण्याच्या नशेमुळे एक दिवस अपघात होईल!” अनेकांनी तरुणीला सतर्क राहण्याची सूचना दिली.
हा व्हिडीओ फक्त गमतीदार नाही तर एक महत्त्वाची आठवणदेखील करून देतो की, वन्य प्राणी अप्रत्याशित वर्तन करू शकतात, त्यामुळे जंगलासारख्या ठिकाणी रील किंवा व्हिडीओ शूट करताना नेहमी सावधगिरी बाळगणे आवश्यक आहे. अशा प्रकारचे व्हिडीओ लोकांना हसवतात आणि लोकाने त्याचबरोबर थोडी काळजी घेण्यास सांगितल आहे . या व्हिडीओने सोशल मीडियावर चांगलाच धुमाकूळ घातला असून, पोस्ट केल्यापासून तो लाखो लोकांनी पाहिला आहे.