Duplicate MS Dhoni Viral Video: टाटा आयपीएल २०२५ चा ६२ वा सामना चेन्नई सुपर किंग्ज विरुद्ध राजस्थान रॉयल्स (CSK vs RR) यांच्यात खेळला गेला. दोन्ही संघांमधील हा सामना दिल्लीतील अरुण जेटली स्टेडियमवर खेळला गेला आहे. या सामन्यात राजस्थान रॉयल्सने चेन्नई सुपर किंग्जचा सहा गडी राखून पराभव करीत महत्त्वपूर्ण विजय मिळवला. वैभव सूर्यवंशी व संजू सॅमसन यांची फलंदाजी, ध्रुव जुरेलचं फिनिशिंग आणि आकाश मधवालची गोलंदाजी यांच्या जोरावर राजस्थानने चेन्नईवर शानदार विजय मिळवला. क्रिकेटच्या मैदानावर असे क्षण अनेकदा दिसतात, जे खेळापेक्षाही फार वेगळे असतात. आयपीएल २०२५ मध्ये राजस्थान रॉयल्स (RR) आणि चेन्नई सुपर किंग्ज (CSK) यांच्यात झालेल्या सामन्यात असे काही दृश्य प्रेक्षकांना पाहायला मिळाले की, जे पाहून सर्वच चकित झाले.
सोशल मीडियावर आयपीएलशी संबंधित अनेक व्हिडीओ व्हायरल होत असतात. आयपीएलच्या सामन्यांमधील खास क्षण, खेळाडूंच्या कामगिरीचे उत्कृष्ट प्रदर्शन, तसेच सामन्यादरम्यानचे विविध मनोरंजक असे मजेदार क्षण, खेळाडू आणि चाहत्यांमधील संवाद किंवा इतर अनपेक्षित घटनांचे व्हिडीओदेखील व्हायरल होतात. सध्या IPL दरम्यानचा एक फोटो सोशल मीडियावर मोठ्या प्रमाणात व्हायरल होत आहे, जो पाहून सर्वच लोक आश्चर्यचकित झालेत.
नेमकं काय घडलं?
चेन्नई सुपर किंग्ज विरुद्ध राजस्थान रॉयल्स या सामन्यात चेन्नईच्या फलंदाजीदरम्यान मैदानावर असे दृश्य दिसले की, ते पाहून प्रेक्षकही आश्चर्यचकित झाले. प्रत्यक्षात सामन्यादरम्यान, धोनीचा हँडसम चेहरा स्टँडमध्ये दिसला, जो पाहून सामना पाहण्यासाठी आलेले लोक आश्चर्यचकित झाले आणि त्याच्याबरोबर सेल्फी काढू लागले. आश्चर्यकारक गोष्ट अशी होती की, हँडसम चेहरा म्हणजे लोक नकली धोनीसोबत फोटो काढण्यासाठी इतके उत्सुक होते की, त्यांनी खऱ्या धोनीच्या फलंदाजीकडेही दुर्लक्ष केले. चेहरा, दाढी व हेअर स्टाईलपासून ते हावभावांपर्यंत व्यक्ती हुबेहुब धोनीसारखाच दिसतोय. चाहते खऱ्या धोनीची बॅटिंग सोडून हुबेहुब त्याच्यासारख्या दिसणाऱ्या स्टँडमधील व्यक्तीसोबत सेल्फी काढण्यात मग्न झाल्याचे पाहायला मिळाले.
डुप्लिकेट धोनी कोण?
मीडिया रिपोर्ट्सनुसार, धोनीच्या हँडसमचे नाव ऋषभ मालाकर आहे. ऋषभ मालाकर हा सोशल मीडिया इन्फ्लुएन्सर आहे आणि लोक अनेकदा त्याला धोनी समजतात. इन्स्टाग्रामवर सुमारे ९०,००० लोक ऋषभला फॉलो करतात आणि त्याने त्याच्या इन्स्टाग्रामवरील एका स्टोरीमध्ये सांगितले होते की, तो दिल्लीतील अरुण जेटली स्टेडियमवर दोन्ही संघांमधील सामना पाहणार आहे.
फोटो-व्हिडीओ व्हायरल
नकली एम. एस. धोनी म्हणजेच ऋषभ मालाकरचा फोटो आणि व्हिडीओ सोशल मीडियावर व्हायरल होत आहे. दिंडा अकादमी नावाच्या एका माजी एक्स वापरकर्त्याने हा फोटो शेअर केला आहे. लोक कमेंट्स सेक्शनमध्ये मजेदार पद्धतीने उत्तर देत आहेत. एका वापरकर्त्याने लिहिले, “हा खरा धोनी आहे. बनावट धोनी चेन्नईचे नेतृत्व करीत आहे. म्हणूनच संघ यावेळी पात्र होऊ शकला नाही”.