Puneri pati video: पुणे तिथे काय उणे आणि ‘पुणेरी पाट्या’ या जगात प्रसिद्ध आहेत. कारण मोजक्या शब्दात जास्तीत जास्त माहिती या पाट्यांद्वारे दिली जाते. अशीच एक मजेशीर पाटी सध्या सोशल मीडियावर व्हायरल होत आहे. पुणेकर त्यांच्या वैशिष्टपूर्ण तिरकस स्वभावासाठी नेहमी ओळखले जातात. त्यात पुणेकरांच्या पुणेरी पाट्या ह्या नेहमी चर्चेच्या विषय ठरतात. पुणे म्हटलं की अर्थात पुणेरी पाट्या लक्षात येतातच. पुणेरी पाट्या या अनेकदा चर्चेचा विषय बनतात. कधी वाद तयार करतात तर कधी वादावर भाष्य करतात. कधी चांगला संदेश देतात तर कधी चांगलाच संदेश पोहोचवतात. अशीच एक पुणेरी पाटी पुन्हा एकदा चर्चेत आली आहे. बिना व्यक्त होता आपली मतं ठामपणे आणि थेट मांडण्याचं पुणेकरांचं माध्यम म्हणजे पुणेरी पाटी. दरम्यान आता आणखी एक पुणेरी पाटी सध्या जोरदार व्हायरल होत आहे. ही पाटी पाहून तुम्हीही पोट धरुन हसाल.
सध्या व्हायरल होत असणारी पाटी ही एका चेंजींग रुमच्या बाहेर लावली आहे. आपल्याला माहितीच आहे, एखाद्या ठिकाणी पाटी लावली की ती इंग्रजी आणि मग मराठी भाषेत असते. हल्लीच महाराष्ट्रात दुकानाबाहेर मराठी पाट्या लावणे अनिवार्य केलं आहे. अशी एक पाटी एका चेंजींग रुमच्या बाहेर लावली आहे, यावर male changing room असं इंग्रजीत लिहलं आहे तर मराठीत पुरुष बदलण्याची खोली असं ट्रान्सलेशन केलं आहे. ही पाटी पाहून नेटकरीही पोट धरुन हसत आहेत.
सोशल मीडिया हे माहितीचं भांडार आहे. इथे अशा काही गोष्टी पाहायला किंवा ऐकायला मिळतात की, कधी कधी त्यामुळे धक्काच बसतो. तर कधी कधी इथे मीम मटेरीयलदेखील व्हायरल होतं, ज्याला कधी लोक डोक्यावर घेतात; तर कधी ट्रोल करतात. ही पुणेरी पाटीही अशीच व्हायरल होत आहे.
पाहा पुणेरी पाटी
पुण्यात सुरुवातीला पेठांमध्येच असलेली पुणेरी पाटी शहर पसरत गेले तशा या पाट्या संपूर्ण पुण्यात पसरल्या. कमीत कमी शब्दांत समोरच्याचा जास्तीत जास्त अपमान करण्याची कला पुणेकरांनाच साधली आहे, असे म्हणतात. त्याचप्रमाणे कमीत कमी शब्दांत जास्तीत जास्त खवचट आशय व्यक्त करणारी पुणेरी पाटीही कोणी येरागबाळा बनवू शकत नाही. पुणेरी पाट्या म्हणजे पुणेकरांसाठी अभिमानाचा वारसा. केवळ बुद्धिमत्ता नाही, तर खास पुणेरी तैलबुद्धीतून पाट्यांच्या माध्यमातून पुणेकरांचा स्पष्टवक्तेपणा आणि थेट भिडण्याची वृत्ती दिसून येते.